Sigui Spera Ansiosamente ku Perseveransia

Kuantu tempu bo tin ta warda pa e Reino di Dios bini? Bo ta sigui perseverá ku pasenshi apesar di difikultat? (Rom 8:25) Algun ruman ta enfrentá odio, maltrato, enkarselashon òf asta menasa di morto. I hopi ruman tin ku trata ku prueba manera malesa króniko òf edat avansá.

Ora nos ta pasa den prueba, kiko lo yuda nos spera ansiosamente ku perseveransia? Nos mester lesa Beibel tur dia i meditá riba loke nos ta lesa pa nos por fortalesé nos fe. Nos mester keda enfoká riba nos speransa. (2Ko 4:16-18; Heb 12:2) Nos mester supliká Yehova i rog’é pa e duna nos forsa pa medio di su spiritu santu. (Luk 11:10, 13; Heb 5:7) Nos Tata amoroso por yuda nos “soportá [òf, perseverá] tur kos ku pasenshi i goso.”—Kol 1:11.

WAK E VIDIO NOS MESTER “KORE KU PERSEVERANSIA”: BO POR TA SIGUR DI E PREMIO, I DESPUES KONTESTÁ E SIGUIENTE PREGUNTANAN:

• 

  Ki “suseso imprevisto” nos por haña nos kuné den bida? (Ekl 9:11, NW)

• 

  Kon orashon ta yuda nos ora nos ta pasa den prueba?

• 

  Si nos no por hasi mes tantu den Yehova su sirbishi manera ántes, dikon nos mester enfoká riba loke sí nos por hasi?

• 

  Kiko ta yuda abo keda konvensí ku lo bo gana e premio?