Cua Pais Esei Lo Por Ta?

Generalmente hende den nacionnan desaroyá ta mira soborno, corupcion i pobresa como cosnan cu ta pertenecé na paisnan africano i latinoamericano. Pues, na cua pais e siguiente cita ta referí?

“Ministernan den gobiernu ta gaña, negoshantenan ta cerá pa corupcion, a gara trahadornan den servicio civil ta aceptá soborno, política ta ser desacreditá i [políticonan] ta ser mirá como personanan di mala fama, suf di alcohol i obsesioná cu sex. . . . Den henter e pais, atraconan riba caminda grandi ta bek atrobe. . . . Ademas di crímen general tin un avalancha di corupcion den industria, den finansas i den servicio público. . . . Awor diesun miyon hende ta falta tres of mas dje necesidadnan básico di bida, . . . i e cantidad di esnan cu ta biba den pobresa severo—esnan cu ta falta shete of mas dje medionan esencial pa bida—a subi di 2,5 miyon pa 3,5 miyon.”—Phillip Knightley, The Australian Magazine.

Bo a rei corectamente? E contesta ta Gran Bretania. Pero ta tristu pa bisa cu den nos tempu lo anterior por ser aplicá na decenas di pais. Nos tur tin mester di un gobernacion bon, onesto i hustu urgentemente! Sí, nos tin mester dje gobernacion di Dios mediante e Reino ei cu Jesus a siña su siguidornan pidi p’e den oracion, “Laga bo reino bini.”—Mateo 6:10.