Bo Sa E Contesta?
(Por haña e contestanan dje kwes aki den e textonan di Bijbel duná, i e lista completo di contesta ta imprimí na página 30. Pa mas informacion, consultá e publicacion “Perspicacia para comprender las Escrituras,” publicá dor di Watchtower Bible and Tract Society of New York, Inc.)
1. Cua otro nomber tabatin pa e Laman di Galilea, cu tabata nomber tambe di un stad na su oriya na parti west? (Juan 6:1; 21:1)
2. Na cua lugá 200 di David su 600 hombernan di bataya mester a stop pa motibu cu nan tabata agotá ora nan tabata persiguiendo e amalekitanan sakeadó cu a secuestrá e dos esposanan di David? (1 Samuel 30:9, 10)
3. Kico Rahab a usa pa sconde e dos spionnan israelita? (Hosué 2:6)
4. Kico Pablo a bisa lo yuda cristiannan pa nan “rindi na Dios sirbishi sagrado aceptablemente”? (Hebreonan 12:28)
5. Segun e Ley di Moises, kico un doño mester a haci si su catibu no kier a haña libertad? (Exodo 21:6)
6. Cua stad edomita a haña e fama di ta un centro di sabiduria? (Jeremías 49:7)
7. Di ki tipo di palu nan a traha e portanan dje Santísimo dje tempel di Sálomon? (1 Reynan 6:31-33)
8. Segun Proverbionan 6:17-19, kico ta e shete cosnan cu Jehova ta odia?
9. Cua ta e último letter dje alfabet hebreo? (Salmo 119:169, sobrescrito)
10. Segun Pablo, kico ta pasa cu esnan cu ta sembra miskiñamente, compará cu esnan cu ta sembra abundantemente? (2 Corintionan 9:6)
11. Ora Satanas a desafiá Jehova pa kita su bendicion for di Job, kico ta loke el a pretendé cu Job lo haci? (Job 1:11)
12. Kico lo pasa cu “e nomber mes dje malbadonan”? (Proverbionan 10:7)
13. Ora Jesus a haci e dies leprosonan limpi, cuantu di nan a keda sin mustra gradicimentu? (Lucas 17:17)
14. E murayanan di Jérico a cai despues cu e israelitanan a haci kico? (Hosué 6:5)
15. Ki restriccion a ser imponé riba e israelitanan ora nan topa un para cu su neshi? (Deuteronomio 22:6, 7)
16. Di con Jehova a mustra fabor special n’e israelitanan? (Isaías 41:8)
17. Cuantu prins a sirbi Rey Asuero como consehero, i a bai di acuerdo cu e huicio contra Reina Vasti? (Ester 1:14)
18. Un sacrificio ofrecí na Jehova den cua e adoradó a keda sin nada. (Levítico 1:4)
19. Segun Pablo, cua ta e dos cosnan cu nos mester haci pa ser salbá? (Romanonan 10:9)
20. Mas of ménos cuanto tempu Sálomon a tuma pa construí e tempel? (1 Reynan 6:1, 38)
21. Den tempu di antigwedad, kico nan tabata haci tin biaha pa incapacitá un enemigu capturá? (Huesnan 1:6)
22. Unda Moises a warda e tablanan di piedra dje Ley na principio? (Deuteronomio 10:1-5)
23. Cua buki di Bijbel ta papia mas tantu dje actividad di Pedro i Pablo?
24. Con tabata nomber dje criá cu, demasiado contentu di a tende Pedro su bos, a core bai conta e otronan cu e tabata na porta, sin lagu’é drenta? (Echonan 12:13, 14)
Contestanan dje Kwes
1. E Laman di Tiberias
2. E vaye torencial di Besor
3. Stengel di vlas
4. “Temor piadoso i reverencia”
5. “Bora su orea cu un obheto skerpi”
6. Teman
7. Dje palu di zeta
8. “Wowo halsá, un lenga falsu, i man cu ta drama sanger inocente, un curason cu ta inventá proyecto perhudicial, pia cu ta lihé pa core bai na maldad, un testigo falsu cu ta lansa mentira, i ken cu ta sembra pleitu entre rumannan”
9. Taw
10. Nan ta cosechá manera nan a sembra
11. Maldicioná Jehova den su cara
12. Lo e putri
13. Nuebe
14. Grita
15. Nan tabatin mag di bai cu e yunan, pero mester a laga e mama
16. Pasobra nan tabata “e simia di Abraham,” Jehova su amigu
17. Shete
18. Un ofrenda kimá
19. Nos mester declará públicamente cu Jesus ta Señor i mester ehercé fe cu Dios a lanta Jesus for di morto
20. Shete aña
21. Nan tabata kita su duimnan i tenchinan grandi afó
22. Den un arca di palu di acacia
23. Echonan
24. Rode