Bo Ta Reconocé e Canto Ei?

CUA canto? Un canto popular di pasado? Sí, canto di hopi hopi tempu pasá, kisas e cantonan mas bieu cu hende a yega di tende riba tera. Cua anto? Canto di paranan.

Hopi hende ta identificá para na nan color, forma, e manera cu nan ta bula, i nan manera di traha neshi. Pero bo a yega di scucha cu atencion pa identificá para na nan canto?

Cu algun para esaki ta hopi fácil, ya cu no tin masha variedad den nan gritunan. Tuma por ehempel e krai fastioso. Aunke e ta un dje paranan mas inteligente, su gritunan “cow, cow” ta laga hende sa unbes cu e t’ei. Roek tambe ta conocí pa su gritunan bochinchero. Un otro para cu por haci bo loco anochi cu su gritu tristu ta e whippoorwill. Su nomber ta imitá su gritu, cu ta parce di no kier stop, foral ora bo kier drumi.

Na contraste cu esaki, “hopi bes e langsnavelig moeraswinterkoninkje tin repertorionan di mas cu 100 canto, chuchubi tin 100 pa 200. Un krombekspotlijster maron a yega di duna mas cu 2.000 canto”!—Audubon, mart-april 1999.

Por lo general ta e machunan ta esnan cu ta canta, pa marca nan teritorio i atraé hembra. Pero tin biaha, algun hembra tambe ta djoin e koor di para. Esaki ta e caso cerca oriol di Baltimor (blauwe gaai), cardinal na Norteamérica i Roze bisschop.

Bo conocé e paranan den e parti di mundu unda bo ta biba? Den hopi pais, tin grabacion di cantonan di para disponibel cu por yuda bo reconocé para na nan gritu. Asta tin oloshi cu ta marca cada ora cu canto di un para distinto. Asina por lo ménos lo bo siña 12 gritu basta lihé!

[Plachi na página 31]

Langsnavelig moeraswinterkoninkje

[Plachi na página 31]

Roze bisschop

[Plachi na página 31]

Cardinal