Un Buki Antiguo Ku Ta Yuda Nos Awe

Wak kiko algun hende a bisa tokante e bentahanan di lesa Beibel i di apliká su konsehonan den nan bida.

“Mi bida ta mas balansá awor. E manera ku mi ta pensa i sinti a mehorá. Awor mi tin un punto di bista mas positivo.”—Fiona.

“Mi estudio di Beibel a duna mi bida berdadero propósito i satisfakshon.”—Gnitko.

“Mi bida ta hopi mas mihó awor. Mi ta dediká ménos tempu na trabou i mas tempu na mi famia.”—Andrew.

Nos a kaba di wak tres ehèmpel so. Pero rònt mundu tin hopi hende ku a komprobá pa nan mes ku e konsehonan di Beibel ta masha práktiko pa bida di tur dia.

Ban wak kon Beibel por mehorá hende su . . .

• Salú físiko

• Salú emoshonal

• Bida di famia i amistat ku otro hende

• Situashon ekonómiko

• Relashon ku Dios

E siguiente artíkulonan lo mustra ku Beibel no ta solamente un buki di Dios sino ku e por yuda kada un di nos mehorá nos bida tambe.