Un futuro maraviyoso

Satanas i su demoñonan lo no gaña humanidad pa hopi tempu mas. Jehova a saca nan caba for di cielu. (Revelacion 12:9) Den e futuro cercano, Dios lo actua atrobe contra Satanas i su demoñonan. Den un vision for di Dios, e apostel Juan a bisa: “I mi a mira un angel baha for di cielu cu e yabi dje abismo i un cadena grandi den su man. I el a coge e dragon, e colebra original, cu ta e Diabel i Satanas i a mar’é pa mil aña. I el a tir’é den abismo i a cer’é i a sey’é riba dje, p’e no gaña e nacionnan mas te cu e mil aña a terminá.” (Revelacion 20:1-3) Despues, e Diabel i su demoñonan lo ta destruí pa semper.—Revelacion 20:10.

Mal hende riba tera tambe lo ser destruí.—Salmo 37:9, 10; Lucas 13:5.

E mortonan lo biba atrobe!

Despues cu Satanas i e demoñonan ser kitá for di caminda, Jehova lo trece hopi bendicion pa humanidad. Corda cu e mortonan ta sin bida, fuera di existencia. Jesus a compará morto cu soño—un soño profundo sin soña. (Juan 11:11-14) El a haci esei pasobra e tabata sa cu e tempu lo bin ora cu esnan drumí den morto lo ser lantá na bida. El a bisa: “E ora ta bin den cua tur esnan cu ta den graf memorial lo . . . sali.”—Juan 5:28, 29; compará cu Echo 24:15.

Nan lo ser trecé na bida aki riba tera. Enbes di anuncio cu hende a muri, lo tin informenan gososo di esnan cu a ser trecé bek na bida! Ki un goso lo e ta pa yama bon biní na esnan stimá for di graf!