Kantika 17
Padilanti, Testigunan!
1. Firme, konstante, den mundu di maldat,
Yehova su pueblo ta defendé e bèrdat.
Maske Diabel ta desafiante,
ku nos Dios, nos ta marcha bai dilanti.
(REFREIN)
Testigunan, avansá, padilanti, pues!
Felis den sirbishi di Dios Yehova mes!
Tin gran bendishon! Bisa pa tur hende sa:
Paradeis riba tera ta serka!
2. Dios su sòldá no ta gusta flohedat;
nos no ta amante di mundu i su maldat.
Kedando tur ora sin mancha,
semper íntegro nos lo keda marcha.
(REFREIN)
Testigunan, avansá, padilanti, pues!
Felis den sirbishi di Dios Yehova mes!
Tin gran bendishon! Bisa pa tur hende sa:
Paradeis riba tera ta serka!
3. Hende ta nenga e Reino i e bèrdat;
ta trata e nòmber di Dios sin dignidat.
Ban traha na Tata su lado
pa nan sa ku su nòmber ta sagrado.
(REFREIN)
Testigunan, avansá, padilanti, pues!
Felis den sirbishi di Dios Yehova mes!
Tin gran bendishon! Bisa pa tur hende sa:
Paradeis riba tera ta serka!
(Wak tambe Flp. 1:7; 2 Tim. 2:3, 4; Sant. 1:27.)