Kon Bida den Paradeis Tabata?

Yehova a duna Adam ku Eva hopi kos bon. Génesis 1:28

Yehova a krea e promé muhé, Eva, i a dun’é na Adam komo su esposa.—Génesis 2:21, 22.

Yehova a krea nan ku mente i kurpa perfekto, sin ningun defekto.

El a duna nan e hòfi di Edén pa biba aden. E hòfi akí tabata un paradeis—un lugá masha bunita ku riu, palu di fruta i yen di bestia.

Yehova a papia ku nan i a siña nan. Si nan a skucha Dios, nan lo a biba pa semper den Paradeis riba tera.

Dios a bisa pa no kome di un sierto palu. Génesis 2:16, 17

Yehova a mustra Adam ku Eva un palu di fruta den e hòfi i el a bisa nan: ‘Boso no mester kome di dje. Si boso kome di dje, boso lo muri.’

Un angel a lanta kontra Dios. E angel malbado ei ta Satanas e Diabel.

Satanas no tabata ke pa Adam ku Eva obedesé Yehova. Pues, el a usa un kolebra pa bisa Eva ku lo e no muri si e kome di e fruta di e palu, sino ku lo e bira manera Dios. Klaru ku esei no tabata bèrdat.—Génesis 3:1-5.