E Diluvio—Ken A Skucha Dios i Ken Nò?

Den tempu di Noe kasi tur hende tabata hasi malu. Génesis 6:5

Adam ku Eva a haña yu i asina tera a yena ku hende. Ku tempu, algun angel tambe a lanta kontra Dios, meskos ku Satanas.

Nan a bini na tera i a kambia nan kurpa pa kurpa di hende. Asina nan por a kasa ku hende muhé. E muhénan a haña yu ku a krese bira masha grandi. E yunan tabata kruel i tabatin hopi forsa.

Asina mundu a yena ku hende ku tabata hasi maldat. Beibel ta bisa: ‘Maldat di hende tabata grandi riba tera, i tur intenshon di e pensamentunan di su kurason tabata kontinuamente maldat so.’

Noe a skucha Dios i a traha un arka. Génesis 6:13, 14, 18, 19, 22

Noe tabata un bon hende. Yehova a bisa Noe ku lo E laga un diluvio bini pa kaba ku mal hende.

Dios a bisa Noe pa traha un arka, un boto masha grandi mes. Noe i su famia i tambe tur sorto di bestia mester a bai den dje.

Noe a spièrta e hendenan ku lo a bini un diluvio, pero nan no a skucha. Algun di nan a harié i otronan a haña rabia riba dje.

Ora e arka tabata kla, Noe a hinka e bestianan aden.