Ken Hesus Tabata?

Yehova a manda Hesus na tera. 1 Huan 4:9

Hopi tempu promé ku Yehova a krea Adam, el a krea un angel poderoso den shelu. Si nos ke agradá Yehova, nos tin ku skucha e angel akí tambe.

Ku tempu, Yehova a sòru pa e angel akí nase komo bebi for di un bírgen ku tabata yama Maria. El a nase den e stat di Bètlehèm i nan a yam’é Hesus.—Huan 6:38.

Tempu Hesus tabata riba tera, el a imitá e kualidatnan di Yehova perfektamente. E tabata bondadoso, kariñoso i aserkabel. Sin miedu el a siña hende e bèrdatnan tokante Dios.

Hesus tabata un bon hende, pero tòg nan a odi’é. 1 Pedro 2:21-24

E lidernan religioso hudiu a odia Hesus, pasobra el a bisa nan ku nan siñansanan i nan obranan tabata malu.

Tambe Hesus a kura hende malu i lanta hende for di morto.

E lidernan religioso a konvensé e gobernantenan romano pa nan suta Hesus i mat’é.