Parti 8

Pakiko Hesus Mester A Muri?

Hesus a muri pa nos por biba pa semper. Huan 3:16

Tres dia despues di Hesus su morto, algun hende muhé a bai na su graf, pero a hañ’é bashí. Yehova a lanta Hesus for di morto.

Hesus a aparesé na su apòstelnan, i despues ta subi na shelu

Mas despues Hesus a aparesé na su apòstelnan.

Sí, Yehova a resusitá Hesus komo un ser spiritual poderoso ku lo no muri mas. Mas despues Hesus su disipelnan a mir’é subi na shelu.

Dios a resusitá Hesus i a hasié Rei di e Reino di Dios. Daniel 7:13, 14

For di su trono den e Reino, Hesus ta goberná riba hende den paradeis riba tera

Hesus a duna su bida pa libra hende for di piká i morto. (Mateo 20:28) Di e manera akí Dios a hasi posibel pa nos por biba pa semper.

Yehova a hasi Hesus Rei pa e por goberná tera for di shelu. Lo tin 144.000 hende fiel ku lo goberná huntu kuné. Esakinan lo haña resurekshon pa bai biba den shelu. E gobièrnu hustu akí ta e Reino di Dios.—Revelashon 14:1-3.

E Reino akí lo hasi tera un paradeis. Guera, kriminalidat, pobresa i hamber lo disparsé pa semper. Hende lo ta mashá felis.—Salmo 145:16.