E Sena di Señor

1. Nos Tata Yehova den shelu,

sagrado e dia⁀akí ta!

Bo hustisia, splendor, gran poder i amor

na Israel b’a demostrá.

Pa medio di⁀e sanger di lamchi,

nan a risibí protekshon.

Hopi siglo despues, Kristu⁀a duna su mes

komo Lamchi pa nos salbashon.

2. E biña i pan riba mesa

ta yuda nos no lubidá

e preis haltu pagá

pa nos ser liberá:

e sanger di nos Salbador.

Awor, reuní awe nochi,

ku⁀amor nos ta konmemorá

kon bo Yu a⁀alkansá

redenshon di piká,

entregando su bida pa nos.

3. Nos a kongregá bo dilanti

manera Hesus a⁀indiká,

pa onra bo, Señor,

elogiá bo amor

i⁀esun di bo Yu mas stimá.

E Sena spesial djawe nochi

ta semper den nos kurason,

pa nos kana den paso di Kristu Hesus,

ku a muri pa nos salbashon.