Hobennan—na Siñansa Di Ken Boso Ta Haci Caso?
“Algun lo cai for dje fe, prestando atencion na . . . siñansanan di demoño.”—1 TIMOTEO 4:1.
E PREGUNTA aki dirigí na hóbennan ta, Na siñansa di ken boso ta haci caso? Esaki ta sugerí cu boso hóbennan mester scoge. E scogementu ta entre reaccioná favorablemente na siñansa divino of i sigui siñansanan di demoño. Jehova ta siña mediante su Palabra, e Bijbel, i tambe mediante e ministerio di esnan cu e ta usa como su representantenan riba tera. (Isaías 54:13; Echo 8:26-39; Mateo 24:45-47) Pero ta un sorpresa pa bo cu e demoñonan tambe ta duna siñansa?
2 Apostel Pablo a skirbi: “Den periodonan di tempu mas despues algun lo cai for dje fe, prestando atencion na expresionnan inspirá engañoso i siñansanan di demoño.” (1 Timoteo 4:1) Siendo cu nos ta bibando den “e último dianan” ora Satanas i su demoñonan ta specialmente activo, bo ta comprendé pakico nos ta haci e pregunta, Na siñansa di ken boso ta haci caso? (2 Timoteo 3:1-5; Revelacion 12:7-12) Debí cu Satanas i su demoñonan ta asina astuto, asina seductivo den nan métodonan di operacion, ta vital pa boso considerá e pregunta aki cuidadosamente.—2 Corintio 11:14, 15.
E Demoñonan i Nan Siñansanan
3 Un tempu e demoñonan tabata angelnan di Jehova, pero nan a rebelá contra nan Creador i asina a bira e compinchi di Satanas. (Mateo 12:24) Nan propósito ta pa corumpí hende i alehá nan for di sirbi Dios. Pa logra esaki, e demoñonan ta usa maestronan humano pa promové un curso di bida egoista i inmoral cu ta ser condená dor di Jehova. (Compará cu 2 Pedro 2:1, 12-15.) Un repaso di con angelnan, cu un tempu tabata fiel, a bira demoñonan lo yudá bo identificá nan siñansanan i e curso di bida cu e siñansanan aki ta promové.
4 Den e dianan di Noe, cierto angelnan a gusta e bunita yu muhernan di hende asina tantu cu e criaturanan spiritual aki a bandoná nan puesto den cielu pa bini na tera. Nan union sexual cu hende muher a resultá den yunan mesclá yamá Nefilim. Siendo cu ta innatural pa criaturanan spiritual biba cu sernan humano, loke e angelnan desobediente a haci cu e muhernan ei tabata mes malu cu e actonan homosexual cu e hombernan i hobencitonan di Sódoma a cometé despues. (Génesis 6:1-4; 19:4-11; Hudas 6, 7) Aunke e casánan dje angelnan a perecé den e awanan dje diluvio huntu cu nan yunan mesclá, e angelnan malbado a deshací di nan curpa carnal materialisá i a bolbe na cielu unda nan a bira e compañénan demoño di Satanas e Diabel.—2 Pedro 2:4.
5 Considerando e antecedencia histórico aki, bo ta comprendé ki clase di criatura e demoñonan realmente ta? Nan ta perversonan di sex cu ta e manipuladornan tras di cortina dje mundu sexualmente loco aki. Aunke nan a ser prevení pa materialisá como hende atrobe, nan ta saca placer for dje perversionnan sexual di esnan cu nan por corumpí riba tera. (Efesio 6:11, 12) E demoñonan ta purba saboteá Jehova su leynan en cuanto puresa i moralidad dor di laga nan parce innecesariamente restrictivo. E angelnan malbado aki ta promové inmoralidad sexual como un curso di bida normal i agradabel.
Promoviendo Siñansanan di Demoño
6 Cu e demoñonan ta promové nan siñansanan den un manera sutil no mester sorprendé nos, siendo cu esaki ta e método cu nan lider, Satanas e Diabel, a usa pa gaña Eva. Corda cu el a papia cuné manera cos cu e kier a duna yudansa. “Ta realmente e caso cu Dios a bisa cu boso no mag come di tur palu dje hofi?” Satanas a puntra. Anto astutamente el a purba saboteá Dios su siñansa dor di bisa Eva cu lo e saca beneficio dor di come for dje palu prohibí. “Riba e dia mes cu boso come di dje,” e Diabel a primintí, “boso wowo lo tin cu habri i boso lo tin cu bira manera Dios, conociendo bon i malu.” (Génesis 3:1-5) Asina Eva a ser tentá, sí seducí, pa desobedecé Dios.—2 Corintio 11:3; 1 Timoteo 2:13, 14.
7 Den tempunan reciente, tambe, hopi persona a ser seducí. E demoñonan a promové inmoralidad sexual asina astutamente cu el a bira aceptabel pa hopi hende cu antes a conden’é. Por ehempel, ora un columnista di consulta bon-conocí na Merca a contestá un carta riba e asuntu di hende no-casá cu ta tene relacion sexual, el a skirbi: “Nunca mi a pensa cu lo mi a cambia completamente di opinion riba e tópico aki, pero awor mi ta kere cu parehanan cu ta serio tocante matrimonio mester haci un par di biahe di fin di siman huntu pa wak si nan ta bai bon cu otro si nan ta compatibel cu otro.” Anto el a agregá: “Mi no por kere cu ta ami a skirbi esei!” Asta é no por a kere cu el a recomendá fornicacion, pero el a haci’é! Claramente, nos mester paga tinu p’e siñansanan di demoño no afectá nos punto di bista di prácticanan cu Dios ta condená.—Romano 1:26, 27; Efesio 5:5, 10-12.
8 Nunca nos mester lubidá cu Satanas ta “e gobernante dje mundu aki.” En realidad, apostel Juan a bisa cu “henter e mundu ta drumí den e poder dje malbado.” (Juan 12:31; 1 Juan 5:19) Ta cierto cu Jesus algun biaha a usa e palabra “mundu” pa referí na tur humanidad. (Mateo 26:13; Juan 3:16; 12:46) Sin embargo, cu mas frecuencia, el a usa e palabra “mundu” pa referí na tur e sociedad humano organisá cu ta existí pafó dje congregacion cristian berdadero. Por ehempel, Jesus a bisa cu su siguidornan no mester ta “parti dje mundu” (sociedad humano inhustu) i cu pa motibu cu nan no tabata parti dje mundu, e mundu lo a odia nan. (Juan 15:19; 17:14-16) Bijbel a spierta mas aleu cu nos mester evitá di bira amigu dje mundu aki goberná pa Satanas.—Santiago 4:4.
9 Apostel Juan a insta: “No stima ni mundu ni e cosnan cu ta den mundu.” Tambe el a bisa: “Tur loke ta den mundu—deseo di carni i deseo di wowo i exhibicion grandioso di bo medio di biba—no ta originá cu e Tata.” (1 Juan 2:15, 16) Pensa riba esaki. Kico tin den mundu awe cu ta stimulá mal deseo, por ehempel deseo pa sex ilegal? (1 Tesalonicense 4:3-5) Ki tal di hopi dje música di mundu? Un oficial di polis di California, encargá cu supervision di hende den libertad condicional, a bisa: “Básicamente, e música ta siñá bo cu bo no tin cu scucha na bo mayornan i cu bo mester hiba e bida cu bo kier.” Bo ta reconocé e fuente dje siñansa cu tal música ta suministrá?
10 Corda cu Satanas, eigenlijk, a bisa Eva: ‘Bo ta perdiendo algu probechoso. Hiba bo bida manera bo kier. Dicidí pa bo mes loke ta bon i loke ta malu. Bo no tin nodi scucha Dios.’ (Génesis 3:1-5) Esei no ta e mésun clase di mensahe hañá den hopi dje música dje mundu? Pero e demoñonan no ta siña solamente mediante música. Tambe nan ta usa programa di television comercial, película i video pa siña. Con asina? Wel, e medionan di comunicacion dje mundu ta presentá entretenimentu cu ta haci e siñansanan moral di Dios parce restrictivo represivo. Nan ta promové fornicacion dor di enfatis’é i present’é como deseabel.
11 E revista U.S.News & World Report a declará: “Na 1991, e tres cadenanan di television [mericano] a pasa mas cu 10.000 incidente sexual durante orario principal; pa cada esena cu ta mustra relacion sexual entre pareha casá, e cadenanan a mustra 14 esena di sex pafó di matrimonio.” Dor di mustra 9.000 incidente di sex ilegal durante orario principal den un solo aña, kico lo bo bisa television ta siñando? Barry S. Sapolsky, kende a yuda traha e raport “Sex den Orario Principal di Television: 1979 Versus 1989,” ta declará: “Si un adolesente ta wak añanan di television unda hende ta participá den conducta di flirtmentu of sex abierto, e miles di imágennan durante e añanan lo siñ’é cu sex ta placentero—i sin ningun consecuencia.” No tin duda tocante di esaki: E mundu su entretenimentu ta siña hóbennan cu no tin regla, cu fornicacion ta aceptabel i cu no tin mal consecuencia pa biba den un manera cu Dios ta condená.—1 Corintio 6:18; Efesio 5:3-5.
12 E mundu su música, película, video i television ta diseñá pa atraé hóbennan. Nan ta propagá e siñansanan corupto di demoño! Pero esaki mester ta un sorpresa? Pensa riba dje. Si religion falsu i política ta parti dje mundu di Satanas—i claramente nan ta esei—ta lógico pa kere cu e entretenimentu cu e mundu ta promové ta liber di influencia di demoño? Boso hóbennan en particular mester vigilá pa no “laga e mundu rond di boso primi boso den su propio malchi.”—Romano 12:2, The New Testament in Modern English, dor di J. B. Phillips.
Haci un Examinacion Propio
13 E asuntu di na siñansa di ken bo ta haci caso, ta ser determiná no solamente dor di loke bo ta papia sino tambe dor di bo accionnan echonan. (Romano 6:16) Pues puntra bo mes, ‘Mi actitud i mi curso di bida ta ser afectá indebidamente pa loke mi ta siña mediante e canalnan di propaganda dje mundu? E siñansanan di demoño por ta haciendo un invasion den mi bida?’ Pa yudá bo contestá preguntanan asina, pakico no compará e cantidad di tempu i esfuerso cu bo ta dedicá pa studia Bijbel, asistí na reunion cristian i papia cu otronan tocante Dios su Reino cu e tempu cu bo ta dedicá na wak television, scucha música, participá den bo deporte faborito, of participá den otro actividad similar? Ya cu asina tantu cos—en berdad, bo bida mes—ta na peliger, haci un examinacion propio onesto.—2 Corintio 13:5.
14 Bo ta bon conciente cu e cuminda material cu bo ta come lo afectá bo salú físico. Di igual manera, bo salú spiritual ta ser afectá pa loke bo ta alimentá bo mente i curason. (1 Pedro 2:1, 2) Bo por gaña bo mes en cuanto kico bo berdadero interesnan ta, pero bo no por gaña nos Hues, Jesucristo. (Juan 5:30) Pues puntra bo mes, ‘Si Jesus tabata riba tera, lo mi sinti bergwensa si e cana drenta mi kamber i tende mi música of mira loke mi ta mirando na television?’ E echo serio ta cu Jesus ta mirando i conocé nos accionnan.—Revelacion 3:15.
Resistí Siñansanan di Demoño
15 E presion cu e demoñonan ta ehercé riba hóbennan pa haci caso di nan siñansanan ta tremendo. E spiritunan malu aki ta parce di ofrecé un bida di satisfaccion inmediato—unu di goso i placer. Afin di agradá Dios, Moises di antigua a rechasá “e goso temporal di picá” como un miembro prominente dje cas di fárao. (Hebreo 11:24-27) No ta fácil pa rechasá loke e demoñonan ta ofrecé, pues bo mester lucha duru pa haci loke ta corecto. Esaki ta specialmente cierto debí cu nos a heredá picá i nos curason hopi bes ta anhelá pa haci loke ta malu. (Génesis 8:21; Romano 5:12) Debí na inclinacionnan pecaminoso, asta apostel Pablo mester a para duru cu su mes i no permití su deseonan carnal domin’é.—1 Corintio 9:27; Romano 7:21-23.
16 Aunke bo por ser tentá pa “sigui tras dje multitud pa motibunan finnan malu,” Dios por yudá bo resistí presion for di bo pareunan pa sigui tras di nan curso robes. (Éxodo 23:2; 1 Corintio 10:13) Pero bo mester scucha n’e guia di Dios, atesorando su dichonan den bo curason. (Salmo 119:9, 11) Bo mester realisá cu ora hóbennan ta isolá nan mes, deseo sexual por desaroyá i hiba na kibramentu dje ley di Dios. “Ora mi ta so cu mi frei, mi curpa kier haci un cos i mi celebro ta bisá mi haci un otro cos,” un hobencita a admití. Pues, reconocé bo limitacionnan i realisá cu bo curason ta traicionero. (Jeremías 17:9) No isolá bo mes. (Proverbio 18:1) Fiha límitenan riba expresion di cariño. I di importancia particular, sigui den compania íntimo di solamente esnan cu ta stima Jehova i cu tin respet profundo pa su leynan.—Salmo 119:63; Proverbio 13:20; 1 Corintio 15:33.
17 Un studio cuidadoso dje publicacionnan cristian diseñá pa fortificá bo spiritualmente lo yudá bo. Por ehempel, considerá e buki Loke hovenan sa puntra—contesta práctica i e capítulo “E lucha pa haci loke ta bon” den e buki Bo por biba pa semper den Paradijs riba tera. Laga e instruccion bíblico cu ta ser duná baha profundamente den bo mente i curason, i lo e fortalecé bo. Un echo cu bo no mester lubidá nunca ta cu den e mundu aki controlá pa demoño, hacimentu di loke ta bon no ta fácil. Pues lucha duru. (Lucas 13:24) Edificá bo fortalesa spiritual. No imitá esnan débil i temeroso cu ta sigui e multitud.
Beneficiá For di Siñansa Divino
18 Corda, tambe, cu lo bo nunca perde nada cu ta bale la pena dor di haci caso di Jehova su siñansa. E berdaderamente ta stimá bo, i ta p’esei e ta “siñando bo pa beneficiá bo mes.” (Isaías 48:17) Pues haci caso di Jehova su siñansa i evitá e dolor di curason di un concenshi ruiná, pérdida di respet propio dignidad, embaraso indeseá, malesa transmití sexualmente of tragedia similar. Jehova ta alegrá ora su sirbidornan ta dun’é un contesta na Satanas su desafio cu hende lo no permanecé fiel na Dios bou di prueba. (Job 1:6-12) Si bo haci Jehova su curason contentu dor di keda fiel na dje, lo bo sobrebibí ora e ta ehecutá huicio adverso contra e mundu aki, miéntras cu tur esnan cu ta haci mofa di su leynan lo perecé.—Proverbio 27:11; 1 Corintio 6:9, 10; 1 Juan 2:17.
19 Si bo ta asociá íntimamente cu esnan cu ta apreciá loke Jehova a haci pa nan, bo por siña for di nan experencia. Un persona cu anteriormente tabata adicto na droga i kende a practicá inmoralidad a splica: “Si mi no a scucha na Jehova, lo mi tabata morto. E persona cu mi tabata bai casa cuné a muri di AIDS. Tur mi amigunan íntimo di antes di mundu a muri di AIDS of ta riba caminda pa morto. Mi ta mira nan hopi biaha riba caya, i mi ta gradicí Jehova tur dia pa su leynan cu ta dirigí su pueblo i lo mantené nos santu solamente si nos ta aplicá nan. Nunca mi tabata asina felis, contentu i sigur den mi bida.” Berdaderamente, haciendo caso di Jehova su siñansa semper ta beneficiá nos!
Tuma e Decision Corecto
20 Nos ta insta boso, hóbennan: Tuma e decision corecto dor di sirbi Jehova. Anto keda determiná pa pega na tal decision. (Hosué 24:15) En realidad, bo por scoge solamente entre dos cos. Jesus a bisa cu tin e caminda hanchu i spacioso—esun fácil di haci loke ta agradá bo mes. E caminda ei ta hiba na un fin, na destruccion. E otro caminda ta pertá. E ta un caminda difícil pa cana ariba den e mundu inmoral aki, controlá pa demoño. Pero tal caminda finalmente lo hiba esnan cu ta cana den dje na Dios su maraviyoso mundu nobo. (Mateo 7:13, 14) Cua caminda lo bo tuma? Na siñansa di ken lo bo haci caso?
21 Jehova ta laga pa abo scoge. E no ta purba forsá bo pa sirbi’é. “Mi a pone bida i morto dilanti bo,” Moises, Dios su profeta a bisa, instando: “Scoge bida.” E scogementu aki ta ser hací “dor di stima Jehova bo Dios, scuchando su bos i pegando na dje.” (Deuteronomio 29:2; 30:19, 20) Scoge sabiamente pa haci caso di siñansa divino i disfrutá di bida sin fin den Dios su glorioso mundu nobo.
[Study Questions]
1. (a) Ki scogementu hóbennan mester haci? (b) Con Jehova ta siña?
2. Pakico ta vital pa vigilá contra e siñansanan di demoño particularmente n’e tempu aki?
3. Ken e demoñonan ta, kico ta nan propósito, i con nan ta busca pa logra esaki?
4. (a) Pakico angelnan desobediente a bini na tera den dia di Noe? (b) Kico a sosodé cu e angelnan malbado i nan yunan durante e Diluvio?
5. Ki clase di criaturanan e demoñonan ta, i con nan ta purba saboteá e leynan di Dios?
6. Pakico no mester ta un sorpresa pa nos cu e demoñonan ta promové nan siñansanan den un manera sutil?
7. Kico tabata e efecto dje siñansanan sutil di demoñonan, i ki spiertamentu esaki ta proveé?
8. (a) Con e palabra “mundu” ta ser usá den Bijbel? (b) Ken ta goberná e mundu, i con Jesus su siguidornan mester considerá e mundu?
9, 10. (a) Cua cosnan mundano ta stimulá deseo sexual inapropiado? (b) Con ta posibel pa identificá esun cu ta tras di loke entretenimentu dje mundu ta siña?
11. Den sentido moral, kico television ta siña hopi biaha?
12. Pakico e entretenimentu dje mundu ta presentá un menasa particularmente pa hóbennan cristian?
13. Ki examinacion propio nos mester haci?
14. Kico lo afectá nos salú spiritual, i ki pensamentu serio nos mester tene na mente?
15. Pakico cristiannan mester lucha duru pa resistí e siñansanan di demoño?
16. Con hóbennan por resistí presion pa participá den conducta inmoral?
17. Kico por yuda hóbennan cristian gana e fortalesa pa resistí e siñansanan di demoño?
18. Cua ta algun beneficio ora bo haci caso di siñansa divino?
19. Ki balioso ta pa asociá cu esnan cu ta apreciá e beneficionan di Jehova su siñansa?
20, 21. (a) Entre cua dos cosnan hóbennan mester scoge? (b) Ki beneficio duradero lo resultá dor di haci caso di siñansa divino?
[Caption on page 16]
Promé cu e Diluvio, e angelnan desobediente i nan yunan a promové violencia i corupcion
[Caption on page 18]
Lo bo sinti bergwensa si Jesus tende bo música faborito?
[Caption on page 20]
Con Lo Bo Contestá?
◻ Ken e demoñonan ta, i kico nan ta siña?
◻ Con e demoñonan ta promové nan siñansanan awe?
◻ Con ta posibel pa resistí e siñansanan di demoño?
◻ Cua ta e beneficionan di haci caso di Jehova su siñansa?
[DO NOT SET] References
1. Daily News, (newspaper; NY), February 21, 1993, p. 18. 2. The Orange County Register, (newspaper; CA), September 28, 1986, p. B7. 3. U.S.News & World Report, June 8, 1992, p. 36. [Translator: Article “The War Over Family Values,” subheading “Sex,” par. 7.] 4. Psychology Today, (magazine; NY), September/October 1992, p. 12. [Translator: Section “News and Trends,” article “Sex on TV—As the World Turns,” last par.] 5. FLEducator, (magazine; CA), Winter 1989/90, no pg number. [Translator: Title “Talking with your teenager about sexual responsibility,” by Lucas Stang, par. 2.] 6. Dolly Horry of the East Side Congregation in New York City. Dolly has been approved by the body of elders (including Don Adams and Sam Buck) for the development of a first person story based on her life experiences.