Miembro Nobo p’e Cuerpo Gobernante

CU E propósito di aumentá e personal dje Cuerpo Gobernante di Testigonan di Jehova, entrante 1 di juli, 1994, un miembro nobo a ser agregá n’e 11 ancianonan cu ta sirbiendo awor. E miembro nobo ta Gerrit Lösch.

Ruman Lösch a drenta e sirbishi di tempu completo dia 1 di november, 1961, i a gradua for di e 41 klas dje Scol di Bijbel di Galad di Watchtower. El a sirbi den e trabou di circuito i di distrito na Austria for di 1963 te 1976. El a casa na 1967, i e i su esposa, Merete, mas despues a sirbi pa 14 aña como miembro dje famia di Betel austriaco na Viena. Cuater aña pasá nan a ser transferí p’e sede dje Sociedad na Brooklyn, New York, caminda ruman Lösch a sirbi den e Oficinanan Ehecutivo i como asistente dje Comité di Sirbishi. Cu su experencia amplio den e campo europeo i su conocimentu di aleman, ingles, rumano i italiano, lo e duna un contribucion balioso n’e trabou dje Cuerpo Gobernante.