‘Mi Ta Conta pa Dios?’

“MI TA conta pa Dios? Dios ta interesá den mi?” Asina e título di un artículo cu a aparecé den Christianity Today a bisa. “Gran parti di mi carera como escritor a drei rond dje problema di dolor,” Philip Yancey, autor dje artículo, a declará. “Bes tras bes mi ta dal den e mésun preguntanan, como si fuera kishikiendo un herida bieu cu nunca no ta cura. Mi ta tende for di lectornan di mi bukinan, i nan relatonan angustioso ta hustificá mi dudanan.”

Tal bes abo tambe a puntra bo mes tocante Dios su interes den bo bida. Bon, kisas bo ta familiarisá cu Juan 3:16, cu ta declará cu “Dios a stima e mundu asina tantu cu el a duna su Yu unigénito.” Of kisas bo a lesa Mateo 20:28, cu ta bisa cu Jesus a bini “pa entregá su alma como rescate en cambio pa hopi.” Tog, kisas bo ta puntra bo mes, ‘Dios ta tuma nota di ami? E ta interesá den mi como un individuo?’ Tin bon motibu pa kere cu e ta interesá, manera nos lo mira.