Lo Tin Mihó Tempu den Futuro!

“Aki poko tempu e malbado lo no t’ei mas . . . Ma e humildenan lo heredá e tera, i lo deleitá nan mes den pas abundante.”​—SALMO 37:​10, 11.

LO BO ke mira e profesia sitá akí riba bira un realidat? Nos tin sigur ku esei ta bo deseo. I tin motibunan sólido pa kere ku pronto esei lo bira un realidat.

E artíkulonan anterior a trata djis algun profesia di Beibel ku ta indiká bon kla ku nos ta bibando den “e último dianan.” (2 Timoteo 3:​1-5) Dios a inspirá e eskritornan di Beibel pa profetisá tokante e susesonan ei pa asina nos por tin speransa. (Romanonan 15:4) Pues, kumplimentu di e profesianan ei ta nifiká ku e problemanan ku nos ta konfrontá awe lo yega na nan fin pronto.

Kiko lo pasa despues di e último dianan? E Reino di Dios lo goberná riba henter humanidat. (Mateo 6:​9, 10) Wak kon Beibel ta deskribí e kondishonnan riba tera na e tempu ei:

● Lo no tin hamber mas. “Lo tin abundansia di maishi den e tera, riba kabes di e serunan.”​—Salmo 72:16.

● Lo no tin malesa mas. “Ningun habitante lo no bisa: ‘Mi ta malu.’”​—Isaias 33:24.

● Tera lo bira un paradeis. “Tera seku i desierto lo ta kontentu, i Arabá lo regosihá i floria manera rosa.”​—Isaias 35:1.

Esakinan ta djis algun profesia alentador ku lo kumpli pronto. Pakiko no puntra Testigunan di Yehova pa mustra bo dikon nan ta asina sigur ku lo tin un mihó tempu den futuro?