PREGUNTA KU BEIBEL TA KONTESTÁ
Tin speransa pa e mortonan?
Hende morto ta manera na soño, den e sentido ku nan ta inkonsiente i no por hasi nada. Pero e Kreador di bida por lanta hende for di morto mediante un resurekshon. Pa demostrá esei, Dios a duna Hesus poder pa lanta vários hende for di morto.—Lesa Eklesiástes 9:5; Huan 11:11, 43, 44.
Den ki sentido e mortonan ta manera na soño?
Dios a primintí ku ora e momento oportuno yega, e mortonan ku ta den su memoria lo ser resusitá pa biba den un hustu mundu nobo. E Kreador Todopoderoso ta anhelá pa usa su poder pa trese e mortonan bèk na bida.—Lesa Yòb 14:14, 15.
Kon e resurekshon lo ta?
Ora Dios resusitá hende, nan lo por rekonosé nan mes, nan amigunan i nan famianan. I aunke un persona su kurpa a kaba na nada, Dios por resusitá e mesun persona ei, pero ku un kurpa nobo.—Lesa 1 Korintionan 15:35, 38.
Na komparashon, masha poko hende ta ser resusitá pa bai shelu. (Revelashon 20:6) Mayoria di hende resusitá lo bolbe bèk pa biba riba un tera transformá den un paradeis. Nan lo haña un komienso nobo ku e speransa di biba pa semper.—Lesa Salmo 37:29; Echonan 24:15.