Dikon Hende Ta Hasi Orashon?

Abo tin kustumber di hasi orashon? Hopi hende ta hasi esei; asta esnan ku no ta kere den Dios. Pero dikon hende ta hasi orashon? Segun un enkuesta ku nan a hasi na Fransia, mitar di e poblashon franses sa hasi orashon òf meditá “djis pa nan sinti nan mes mihó.” Meskos ku hopi europeo, nan no ta hasi orashon pa komuniká ku Dios; mas bien, nan ta interesá den “e efekto trankilisante di orashon.” Di otro banda, tin hende kreyente ku ta resa na Dios solamente ora nan tin mester di algu, i nan ta spera pa Dios kontestá nan orashon mesora.—Isaías 26:16.

Kiko abo ta pensa? Orashon ta djis un medio pa yuda bo organisá bo pensamentunan? Si bo ta kere den Dios, bo ta sinti ku Dios ta kontestá bo orashonnan òf ta parse ku e no ta skucha nan? Beibel por yuda bo mira ku orashon no ta un terapia pa pone bo sinti bo mes bon, sino un medio sumamente balioso pa yuda bo hala serka Dios.