PREGUNTA KU BEIBEL TA KONTESTÁ
Dikon nos mester pidi den orashon pa e Reino di Dios bini?
Bo ke sa mas tokante e Reino di Dios i tur loke lo e hasi?
E Reino di Dios ta un gobièrnu selestial. Hesus a bisa su siguidónan pa pidi den orashon pa e Reino bini pasobra lo e restorá pas i hustisia riba tera. Niun gobièrnu humano no por kaba kompletamente ku violensia, inhustisia òf malesa, pero e Reino di Dios sí por i lo e hasié tambe. Dios a skohe su Yu, Hesus, pa bira Rei di e Reino ei. Yehova a skohe tambe un grupo di siguidó di Hesus pa goberná huntu kuné den e Reino.—Lesa Lukas 11:2; 22:28-30.
Pronto, e Reino di Dios lo kaba ku tur esnan ku ta oponé e gobernashon di Dios. Pues, ora nos pidi pa e Reino bini, nos ta pidiendo pa e gobièrnu di Dios remplasá tur gobièrnu humano.—Lesa Daniel 7:13, 14; Revelashon 11:15, 18.
Dikon e Reino di Dios lo benefisiá hende?
Hesus ta e Rei ideal pasobra e tin kompashon. Komo Yu di Dios, e tambe tin e poder pa yuda tur esnan ku ta roga Dios pa yudansa.—Lesa Salmo 72:8, 12-14.
E Reino di Dios lo benefisiá tur esnan ku di kurason ta pidi pa e bini i ku ta biba na armonia ku Dios su boluntat. Hamas lo bo lamentá ku bo a siña kiko Beibel ta bisa tokante e Reino di Dios.—Lesa Lukas 18:16, 17; Huan 4:23.