Kiko Beibel Ta Bisa?

Ta Dios ta kousa sufrimentu?

Kiko lo bo kontestá?

• Sí

• Nò

• Kisas

Loke Beibel ta bisa

“Leu sea di Dios di hasi maldat, i di e Todopoderoso di kometé inikidat.” (Yòb 34:10) No ta Dios ta kousa e maldat i sufrimentu ku nos ta mira den mundu.

Kiko mas nos por siña for di Beibel?

• Satanas e Diabel, “e gobernante di mundu,” ta e kousa prinsipal di sufrimentu.—Huan 14:30.

• Sufrimentu i maldat ta bini tambe komo resultado di mal desishon ku hende ta tuma.—Santiago 1:14, 15.

Sufrimentu lo kaba un dia?

Algun hende ta kere ku si hende uni forsa, nan por kaba ku sufrimentu. Otro hende ta pensa ku tin masha tiki chèns ku e kondishon di mundu lo kambia drástikamente i bira mihó. Kiko abo ta pensa?

Loke Beibel ta bisa

Dios lo kaba ku sufrimentu. Beibel ta bisa: “Lo no tin morto mas; ni tristesa ni sklamashon ni doló lo no tin mas.”—Revelashon 21:3, 4.

Kiko mas nos por siña for di Beibel?

• Mediante Hesus, Dios lo eliminá tur sufrimentu ku Diabel ta kousa. —1 Huan 3:8.

• Bon hende lo biba pa semper den pas riba tera.—Salmo 37:9-11, 29.