Ki Plannan Bo Tin p’e Temporada di Vacansi Grandi?

Ora nos ta pensa di temporada di vacansi grandi, nos ta pensa di dushi weer, areglonan pa asistí na un congreso di districto i plannan pa un vacansi relahante of pa un bishita agradabel cerca famia i amigunan. Ora bo ta traha bo plannan pa vacansi grandi, ata aki un par di recordatorio cu por yudá bo mantené interesnan di Reino na promé lugá:

◼ Traha plannan definitivo pa asistí n’e congreso di districto. Haci areglo pa bo transportacion i hospedahe suficiente tempu di antemano afin di evitá cualkier problema.

◼ Si bo ta bai di biahe pa vacansi, planea pa asistí n’e reunionnan dje congregacion local i participá den e ministerio. Sea sigur di entregá bo raport di sirbishi; si ta necesario, post nan p’e secretario di bo congregacion.

◼ Un bishita cerca famianan cu no ta den e berdad tal bes ta duná bo un oportunidad pa haci algun testificacion informal productivo. Sea sigur di bai cu bo Bijbel i un suministro di literatura.

◼ Bo a pensa riba yuda un congregacion cercano cu tin mester di yudansa pa cubri su teritorio? Papia cu e ancianonan of e superintendente di circuito pa haña informacion tocante e necesidad cu tin den bo área.

◼ Vacansinan di scol ta percurá un oportunidad excelente pa hóbennan expandé nan actividad di sirbishi. Hóbennan, boso por inscribí como pionero auxiliar?

◼ Cu dushi weer i dianan cu ta bira scur mas lat, tal bes bo ta haña resultadonan excelente den sirbishi dor di traha mas tantu den testificacion djanochi, ora cu hopi hende ta na cas.

◼ Ancianonan mester ta alerto pa mantené actividadnan di congregacion bon organisá, haciendo areglo pa un persona keda encargá cu e responsabilidadnan asigná na esnan cu lo ta di biahe.

Corda cu “e plannan di esun diligente siguramente ta resultá den bentaha.” (Pro. 21:5) Planea pa saca mayor probecho di bo oportunidadnan teocrático durante e temporada di vacansi grandi.