Sirbidónan Ministerial Ta Rindi Sirbishi Balioso
1 “Nan a demostrá di ta hombernan berdaderamente dedicá di kende nan fe a bira bisto den sirbishi di Reino celoso i den yuda otronan bira firme den fe.” Esei ta loke e buki Organisá pa Cumpli cu Nos Ministerio ta bisa na página 57, relacioná cu sirbidónan ministerial. Sí, e ehempel spiritual cu nos sirbidónan ministerial ta pone ta digno di imitacion. Cooperando cu nan i cu e ancianonan “ta contribuí n’e crecementu dje curpa p’e edificacion di su mes den amor.”—Efe. 4:16.
2 Sirbidónan ministerial tin un funcion vital den e congregacion. Pensa riba tur nan sirbishinan balioso! Nan ta percurá pa cuenta, literatura, revista, abonament i teritorio; nan ta traha como usher, ta atendé cu e ekipo di zonido i nan ta yuda mantené e Salon di Reino. Nan ta participá den e Scol di Ministerio Teocrático i den e Reunion di Sirbishi. Kisas algun di nan ta asta duna discurso público of ta conducí algun dje reunionnan di congregacion. Mescos cu miembronan dje curpa físico, sirbidónan ministerial ta efectuá sirbishi cu nos tin mester di dje.—1 Cor. 12:12-26.
3 Ora otronan mira sirbidónan ministerial ta cooperá armoniosamente cu e ancianonan como parti di un cuerpo sirbidor den un esfera di respet i acuerdo mutuo, e ta animá nan pa haci mescos. (Col. 2:19) Dor di cumpli tur siman fielmente cu nan responsabilidadnan, i mustra un interes personal den otronan, nan ta contribuí n’e progreso spiritual dje congregacion.
4 Kico nos por haci pa nos mustra aprecio p’e sirbidónan ministerial cu ta traha duru? Nos mester sa ki asignacion nan tin i ta cla pa cooperá ora nan tin mester di nos yudansa. Cu palabra i echo, nos por laga nan sa cu nos ta apreciá nan trabou. (Pro. 15:23) Esnan cu ta traha duru pa nos bienestar merecé un reconocimentu sincero.—1 Tes. 5:12, 13.
5 E Palabra di Dios ta establecé e papel i cualificacionnan pa sirbidó ministerial. (1 Tim. 3:8-10, 12, 13) Nan sirbishi sagrado balioso ta indispensabel p’e congregacion funcioná. E hombernan ei merecé nos animacion regularmente, ya cu nan tur tin “hopi di haci den e trabou di Señor.”—1 Cor. 15:58.