Jehova Ta Siña Nos
1 Bou di guia divino tin un programa educacional internacional ta tuma lugá den 233 pais. Nada cu e mundu aki tin di ofrecé no ta di compará cuné. Nos Magnífico Instructor, Jehova, ta siña nos con pa beneficiá nos mes awor i na mésun tempu e ta educá nos tambe pa bida eterno.—Isa. 30:20; 48:17.
2 Scolnan di Educacion Divino: Considerá e scolnan cu actualmente ta ser tené p’e beneficio di Jehova su pueblo. E Scol di Ministerio Teocrático, conducí semanalmente den un 87.000 congregacion, ta entrená miyones di publicadó di Reino pa ta minister eficas dje bon nobo. Abo ta inscribí den dje? Bo ta entre e miles di pioneronan cu a asistí n’e Scol di Sirbishi di Pionero di dos siman? Podisé awor cu e rekisito di ora pa pioneronan regular a baha, mas ruman lo por traha pionero i cualificá pa asistí n’e scol aki. Awor ta tene e Scol di Entrenamentu Ministerial cu ta dura dos luna, den idiomanan principal rond mundu. E ta ekipá anciano i sirbidó ministerial soltero pa carga mas responsabilidad teocrático. Tempu-tempu, tur anciano i sirbidó ministerial ta ricibí instruccion specialisá den e Scol di Ministerio di Reino.
3 Ta usa e facilidadnan dje Centro di Educacion Watchtower na Patterson, New York, pa tene tres scol special cu ta duna entrenamentu teocrático avansá. E curso di cincu luna dje Scol Bíblico di Galad di Watchtower, ta prepará ministernan pa e trabou di misionero den estranheria. Miembronan di Comité di Sucursal di rond mundu ta asistí na un curso di dos luna tocante organisacion di sucursal. Na mei 1999 a cuminsá un curso nobo di dos luna pa superintendentenan biahero, cu un klas di 48 alumno for di Merca i Cánada. A lo largu, tur sirbidó di Jehova ta ricibí beneficionan excelente dje entrenamentu cu Jehova ta percurá mediante e vários scolnan aki.
4 Siñá pa Ki Propósito? Un miembro di Cuerpo Gobernante a bisa: “Nos programa educacional actual ta diseñá pa trece henter e pueblo di Jehova na tur parti den e condicion excelente di madures describí na Proverbionan 1:1-4.” Cu Jehova sigui duna cada un di nos “e lenga di esnan siñá.”—Isa. 50:4.