Pidi Yudansa
1 E palabranan inspirá “duru pa trata cuné” ta un bon descripcion di nos tempu crítico. (2 Tim. 3:1) P’esei, kico bo por haci ora bo ta topa desafionan spiritual difícil cu kisas bo ta sinti cu bo no ta bon ekipá pa trata cuné?
2 Bo ta dispuesto pa papia cu un miembro di congregacion spiritualmente maduro? Tin ruman kisas ta vacilá pa haci esei debí cu nan tin bergwensa, of nan no kier molestiá otro hende of pasobra nan ta duda cu tin un hende cu di berdad por yuda nan. Ta cierto cu nos tin cu haci esfuerso pa atendé nos responsabilidadnan personal lo mihó cu nos por, pero semper nos mester sinti nos liber pa busca yudansa den asuntunan cu ta trata nos bienestar spiritual.—Gal. 6:2, 5.
3 Unda pa Cuminsá: Por ta bo por acercá bo conductor di studio di buki i pidié si bo por traha cuné den sirbishi di veld. Esaki lo duna bo un chens pa cont’é di bo deseo pa crece spiritualmente. Si e ta un sirbidó ministerial, lagu’e sa cu bo tin mester di yudansa spiritual i e lo pidi e ancianonan pa yuda bo. Of bo por bai cerca un dje ancianonan pa papia tocante asuntunan cu ta preocupá bo.
4 Ki clase di yudansa bo mester? Tin algu cu a fria bo celo? Bo ta un mayor soltero cu ta purba tene bo yunan pegá n’e congregacion? Bo ta un hende grandi cu tin mester di yudansa? Of tin un ke otro problema cu ta desanimá bo? Trata cu nos tempu crítico por ta duru, pero no imposibel. Tin yudansa disponibel.
5 Con Ancianonan Ta Yuda: Ancianonan ta realmente interesá. Nan lo scucha bo preocupacionnan. Si otro publicadónan ta confrontá e mésun obstáculonan, e ancianonan lo tene cuenta cu esaki ora nan ta pastoreá i siña e congregacion. Como “ehempel p’e tou,” nan ta semper cla pa traha huntu cu bo cu goso. (1 Ped. 5:3) Scucha e rumannan experenciá aki ora nan ta razoná riba principionan bíblico, por mehorá bo ministerio i yuda bo den bo bida personal.—2 Tim. 3:16, 17.
6 Jesus a duna nos hopi ‘don cu ta consistí di hende.’ (Efe. 4:8, nota na pia di pág.) Esaki kier men cu ancianonan ta na bo servicio. Nan ta disponibel pa yuda bo. Eigenlijk, nan “ta pertenecé na boso.” (1 Cor. 3:21-23) Pues, en bes di tene bo mes atras, expresá bo libremente. Pidi e yudansa cu bo mester.