“Un Palabra Papiá n’e Tempu Apropiado”
1 Ta un desafio pa bo pa compartí e mensahe di bida cu otro hende? Bo ta sinti cu bo tin cu bisa algu profundo pa impresioná bo oyentenan? Ora Jesus a manda su disipelnan, el a bisa nan: “Segun cu boso ta bai, predicá, bisando: ‘E reino di shelu a yega cerca.’ ” (Mat. 10:7) E mensahe tabata simpel i fácil pa compartí. Awe ta mescos.
2 Hopi bes ta djis un par di palabra mester pa cuminsá un combersacion. Ora Felipe a topa e eunuco etiopio, el a puntr’é: “Berdaderamente bo sa loke bo ta lesando?” (Echo. 8:30) Esta un combersacion recompensador a resultá di “un palabra papiá n’e tempu apropiado”!—Pro. 25:11.
3 Bo por usa un método similar den bo ministerio. Con? Dor di ser observadó i scoge palabranan cu ta pas cu e circunstancia. Haci un pregunta, anto scucha e contesta.
4 Algun Pregunta Básico: Pa cuminsá un combersacion, lo bo por purba cualkier un dje preguntanan aki:
◼ “Bo sa haci e Oracion di “Nos Tata” den bo adoracion?” (Mat. 6:9, 10) Recitá un pida, i despues bisa: “Tin hende ta puntra: ‘Cua ta e nomber di Dios cu Jesus a bisa mester ser santificá?’ Otronan ta puntra: ‘Kico ta e Reino cu Jesus a bisa cu nos mester pidi p’e?’ Bo a haña contesta satisfactorio pa e preguntanan aki?”
◼ “Bo a yega di puntra bo mes: ‘Kico ta e nificacion di bida?’ ” Mustra e persona cu esei tin di haber cu conocé Dios.—Ecl. 12:13; Juan 17:3.
◼ “Bo ta kere cu un dia lo caba cu morto?” Usa Isaías 25:8 i Revelacion 21:4 pa duna un contesta confiabel.
◼ “Tin un solucion simpel pa e cáos cu tin den mundu?” Mustra cu Dios ta siña pa “stima bo próhimo.”—Mat. 22:39.
n◼ “Un desaster cósmico lo destruí nos tera un dia?” Compartí e promesa bíblico cu e tera lo permanecé pa semper.—Sal. 104:5.
5 Presentá e bon nobo den un manera simpel i direct, i na un moda bondadoso. Jehova lo bendicioná bo esfuerso pa compartí maske ta “un palabra” di berdad cu otro hende.