Proceso Simplificá di Renobá Abonament

Abonadonan di E Toren di Vigilancia i Spierta!, sea ta revista of riba caset, tabata ricibí dos notificacion cu nan abonament ta bai caducá. E promé ta un papel pre-imprimí, cu un código riba dje, di Abonament Cu Ta Bai Caducá cu e abonadonan ta ricibí via e congregacion. A cambia e formulario aki i awor lo bai druk e riba papel blancu-shinishi. Ta recomendá pa usa e formulario aki pa renobá abonament.

E di dos notificacion tabata e formulario di renobá abonament cu tabata ser hincá den e revista doblá of, pa abonament riba caset, tabata post e direct na e abonado. Abonadonan dje revistanan imprimí lo no ricibí un papel pa renobá abonament mas hincá den nan revista. Na lugá di esei, lo imprimí un mensahe cu e abonament ta bai caducá riba e papel lorá rond dje abonament. Di igual manera, mayoria abonado dje edicionnan riba caset di E Toren di Vigilancia i Spierta! lo no ricibí un notificacion mas via post cu e abonament ta bai caducá. Na lugá di esei lo imprimí pafó riba e envelop cu e caset ta bini aden, un mensahe cu e abonament ta bai caducá. Sin embargo, lo sigui post notificacion pa renobá pa abonadonan cu ta ricibí etiket di braille i otronan cu ta ricibí caset grátis como post pa hende ciegu.

E mensahe imprimí riba e papel rond dje abonament of riba e envelop dje caset lo sirbi como un recordatorio cu pronto e abonament lo caducá. Por fabor, tuma contacto cu e ruman encargá cu abonament den bo congregacion si bo mira e mensahe imprimí pero ainda bo no a haña e formulario Abonament Cu Ta Bai Caducá. Semper mester entregá abonament renobá via e congregacion.

Pa abonament obtené den veld, e medio principal di notificacion lo ta e papel pre-imprimí di Abonament Cu Ta Bai Caducá cu ta ser distribuí via e congregacion. Asina cu e papelnan aki yega den congregacion, mester pone énfasis pa parti nan na e publicadónan cu originalmente a obtené e abonament. Como cu e abonadonan lo no ricibí un papel di notificacion mas hincá den e revista, ta vital pa nos bai cerca e personanan interesá aki i animá nan pa renobá nan abonament.—Wak Nos Ministerio di Reino (na spañó) di october 1988, página 8, i di januari 1986, página 8.

E revistanan oportuno aki lo sigui tira lus spiritual den un mundu scur. Nos tin sigur cu tur ruman lo cooperá cu e areglo nobo aki pa asina ni un abonado riba E Toren di Vigilancia i Spierta! no perde ni un solo edicion.