Bo Kier Haci Mas?
1 Jesus a compará e Reino cu tesoro incalculabel. (Mat. 13:44-46) E trabou di plama e bon nobo di Reino tambe ta un tesoro balioso. E ministerio aki merecé e promé lugá den nos bida, asta si esei ta rekerí pa nos pone un cierto límite na nos propio deseo i interesnan ya asina nos por tin pleno participacion den dje. (Mat. 6:19-21) Bo kier haci mas den sirbishi di Reino?
2 Considerá e Cosnan Esencial Aki: Tin vários cos cu nos mester haci pa por expandé nos participacion personal den e ministerio: (1) ser decididu pa pone interesnan di Reino na promé lugá den nos bida (Mat. 6:33), (2) ehercé fe i dependé riba Jehova (2 Cor. 4:1, 7), (3) busca Dios su yudansa mediante oracion sincero i persistente (Luc. 11:8-10), (4) sigui traha riba nos oracionnan i actua na armonia cu nan.—Sant. 2:14, 17.
3 Maneranan pa Expandé Nos Ministerio: Nos tur por pone e meta básico di dedicá tempu regularmente na e ministerio tur luna. Pero bo a pensa tambe di probechá di tur oportunidad pa duna testimonio informalmente, pa haci esfuerso pa bo presentacionnan ta mas significativo, pa aumentá e eficacia di bo rebishitanan i pa purba conducí studionan di Bijbel progresivo? Lo bo por traha pionero auxiliar of regular of sirbi caminda tin mas necesidad? Si bo ta un ruman homber bautisá, lo bo por haci esfuerso pa cualificá como sirbidó ministerial of anciano? (1 Tim. 3:1, 10) Lo bo por expandé bo ministerio dor di aplicá pa sirbishi di Betel, Scol di Entrenamentu Ministerial of pa entrenamentu como misionero na Scol di Galad?—Luc. 10:2.
4 Un ruman homber cu tabatin un trabou full-time i cu tabata dedicá hopi tempu na actividadnan deportivo a ser animá pa bira pionero regular. El a cuminsá traha pionero auxiliar i despues a ahustá su circunstancia pa drenta den e ministerio di tempu completo. Despues el a asistí na e Scol di Entrenamentu Ministerial, cu a yuda prepar’é pa su asignacion actual como superintendente di circuito. E ta masha contentu cu el a reaccioná faborabel riba e animacion cu el a ricibí, i e tin sigur cu e ta mas felis dor cu el a tuma e decision di haci mas den sirbishi di Reino.
5 Jehova ta bendicioná esnan cu ta haci nan mes disponibel. (Isa. 6:8) No laga nada stroba bo di expandé bo ministerio i como resultado di esei, disfrutá di asta mayor satisfaccion i refrescamentu.