Kico Nos Por Bisa dje Revistanan

E Toren di Vigilancia 15 di Dec.

“Den e temporada aki mayoria hende ta pensa riba Jesucristo, sea cu nan ta kere den dje of no. Tin hende ta bisa cu e no a existí di berdad. Kico abo ta pensa? [Despues cu e persona contestá, lesa Mateo 16:15 i 16.] Mi tin sigur cu lo bo disfrutá dje artículo aki tocante ‘E Berdadero Jesus.’ Lo bo mira con e ta influenciá bo bida awe i con lo e influenciá bo bida den futuro.”

¡Despertad! 22 di Dec.

“Bo ta di acuerdo cu nos lo mester tin un suministro di cuminda safe i confiabel, pa nos bida por ta mas sigur? [Permití e persona contestá.] Tuma nota di loke Dios a primintí su pueblo den tempu di Bijbel. [Lesa Levítico 26:4 i 5.] E Spierta! aki ta considerá e preocupacionnan cu ta existí awe en cuanto nos cuminda. Tambe e ta señalá n’e tempu ora cu Dios lo duna nos siguridad rond mundu.”

E Toren di Vigilancia 1 di Jan.

“Bo sa puntra bo mes di con algun hende ta parce di tin un bida fácil i otronan ta lucha pa gana nan pan? Bijbel ta bisa algu tocante esaki. [Lesa Job 34:19.] E revista aki ta splica con Dios lo bai pone fin na distincion di clase.”

Spierta! 8 di Jan.

“Nos tur sa dje tragedia aki cu a sagudí mundu. For dje dia ei hende tabatin mester di hopi consuelo i yudansa. E artículo aki, entre otro cosnan, ta splica kico Testigonan di Jehova ta haciendo pa yuda e sobrebibientenan, e dunadónan di auxilio i esnan cu a perde sernan kerí.”