Rekordatorionan di Memorial

E selebrashon di Memorial ta kai e aña aki riba djaweps, 28 di mart. Ansianonan mester presta atenshon n’e siguiente puntonan:

◼ Na momentu di fiha e ora pa e reunion, hasi sigur ku lo no pasa e emblemanan promé ku solo baha.

◼ Mester informá tur hende, inkluso e oradó, di e ora i lugá eksakto di e selebrashon.

◼ Mester buska i prepará e tipo korekto di pan i biña.—Wak e Atalaya di 15 di febrüari 1985, página 19.

◼ Di antemano mester hiba un mesa apropiado ku paña di mesa, tayó i glas na salon, i pone nan na nan lugá.

◼ For di trempan mester limpia e Salon di Reino òf e otro lugá di reunion a fondo.

◼ Di antemano mester skohe ùsher i esnan ku ta pasa ku e emblemanan i instruí nan tokante e prosedura korekto i nan tareanan, i ku ta nesesario pa nan ta bistí i peñá na un manera digno di e okashon.

◼ Mester hasi areglo pa sirbi e emblemanan na kualkier ungí ku ta enfermo i ku no por ta presente.

◼ Ora mas ku un kongregashon ta programá pa usa e mesun Salon di Reino, mester tin bon kordinashon entre e kongregashonnan pa asina evitá kongestionamentu innesesario den lòbi, na e entrada, riba asera públiko i na e lugá di stashoná outo.