Sigui Benefisiá di E Toren di Vigilansia i Spièrta!

Awor ku a stòp ku e areglo di abonamènt riba E Toren di Vigilansia i Spièrta! nos lo tin ku hasi sigur pa ni nos ni e hendenan ku nos ta prediká na dje no pèrdè ni un solo edishon.

Ehemplarnan Personal: Ora bo abonamènt personal kaduká, bo tin ku oumentá bo pedido aktual na bali di revista. Mayornan tin ku pidi sufisiente revista pa asina kada miembro di famia por tin su mes revista. Skirbi bo nòmber riba bo revista personal pa hasi sigur ku bo no ta lagu’é den sirbishi. Ora kargamentu di revista yega, e rumannan enkargá ku esaki lo sòru pa mesora tur edishon ta disponibel na Salon di Reino.

Ruta di Revista: Publikadónan mester hasi esfuerso pa establesé un ruta di revista ku tur persona interesá ku ta deseá na risibí kada edishon. E echo ku nos ta entregá e revistanan personalmente na e hendenan ei lo duna nos oportunidat pa kultivá nan interes i kuminsá studio di Beibel.—Wak Nos Ministerio di Reino, òktober 1998, página 8.

Nos por tin sigur ku Yehova lo sigui rekompensá tur nos esfuersonan pa anunsiá e Reino mediante E Toren di Vigilansia i Spièrta!