Kaha di Pregunta

◼ Kiko ta e normanan di bisti i di areglo personal ku nos mester kumpli kuné ora di bishitá kasnan di Bètel i fasilidatnan di sukursal?

Ora nos ta bishitá Bètel, sea pa un tour òf pa bishitá miembronan di e famia di Bètel, “nos bistí, areglo personal i kondukta mester ta similar na loke ta ser sperá di nos ora di asistí na reunion pa adorashon n’e Salòn di Reino.” (om-PA 131) Sin embargo, nos a ripará ku ora algun ruman ta bishitá e ofisinanan di sukursal nan tin e tendensia di bisti kon-ku-ta. Esei no ta korekto. Nos aparensia mester ta ehemplar, bon areglá i moderá, reflehando e desensia i dignidat ku ta pas ku sirbidónan di Yehova Dios.—1 Tim. 2:9, 10.

Esaki ta importante foral ora di bishitá kasnan di Bètel i fasilidatnan di sukursal pasobra e bishitantenan ta hala atenshon di hopi opservadó ku no ta Testigu. E hendenan ei kisas ta forma nan opinion di e pueblo di Dios i di su organisashon basá riba loke nan ta mira. Lo ta bon pa papia ku studiantenan di Beibel i otro hende ku kier hasi un bishita pa mustra nan riba e importansia di bisti na un manera apropiado. E famia di Bètel ta yama bo danki pa hasi esaki.

Komo ministernan kristian, nos tin ku tene kuidou pa nos aparensia no pone hende trompeká. (2 Kor. 6:3, 4) Al kontrario, mediante nos aparensia desente i di bon gustu, laga nos semper “dòrna e doktrina di Dios nos Salbador den tur kos.”—Tito 2:10.