Un Grabashon ku un Mensahe Eterno

Kiko ta e mensahe di e DVD David A Konfia den Dios? Ku nos tin ku konfia den Yehova meskos ku David a hasi. (Sal. 91:2) E esenanan di e susesonan prinsipal den bida di David lo por yuda tantu mucha komo adulto siña di e ehèmpel ku David a pone. (Sal. 31:14) Pa nos benefisiá asta mas ainda, e DVD aki tin tambe un “Vidio Kwes” i vários “Aktividat pa Siña.”

Wak e DVD, i hasi bo mes e siguiente preguntanan: (1) Dikon Yehova a skohe un mihó rei? (1 Sam. 15:10, 11; 16:1) (2) Dikon e no a skohe ningun di David su ruman hòmbernan? (1 Sam. 16:6, 7) (3) Dikon Saul tabata gusta pa David toka harpa? (1 Sam. 16:14-23) (4) Ken Goliat tabata? (1 Sam. 17:4-10) (5) Dikon David kier a bringa ku Goliat? (1 Sam. 17:23, 24, 36, 37) (6) Ken Jonatan tabata? (1 Sam. 14:1) (7) Ki ora Saul a bira David su pió enemigu? (1 Sam. 18:25-29) (8) Dikon David no a mata Saul? (1 Sam. 26:7-11) (9) Kon Saul a muri? (1 Sam. 31:1-6) (10) Kon David a reakshoná riba morto di Jonatan? (2 Sam. 1:11, 12) (11) Kiko Yehova a primintí David? (2 Sam. 7:12, 13, 16) (12) Ki eror grave David a kometé? (2 Sam. 11:1-5, 14-17) (13) Kon David a mustra ku e tabatin duele di loke el a hasi? (Sal. 51) (14) Ki lèsnan David a siña e hóben Salomon? (1 Rei. 2:1-4; 1 Kró. 22:6-13; 28:9, 10) (15) Kon e gobernashon di Hesus lo benefisiá David, Jonatan i abo?—Isa. 11:6-9; Juan 11:25, 26.

Awor pensa riba esaki: Kon abo personalmente por imitá e konfiansa ku David a desplegá den Dios?

Mayornan inkulká den boso yunan e mensahe eterno, esta, ku ta masha importante pa konfia den Dios, meskos ku David a hasi.—Sal. 56:11.