Kiko Nos Por Bisa di e Revistanan

E Toren di Vigilansia 1 di Yüli

“Nos tur konosé hende ku aparentemente ta eksitoso, pero ku tòg ta sinti ku nan bida falta algu. Kiko bo ta kere nan ta buskando? [ Permití e persona kontestá. Kaba lesa Mateo 5:3, den e di dos artíkulo di e revista.] E revista aki ta trata un faktor importante ku ta hiba na pas interno, esta, ku nos tin ku satisfasé nos nesesidat spiritual.”

¡Despertad! 8 di Yüli

“Riba e merkado di trabou ku tin hopi kompetensia awendia, desempleo ta un problema grandi. E revista aki ta deskribí sinku faktor klave pa haña trabou. [ Resaltá e suptemanan ku lèter diki den e artíkulo “Sinku Faktor Klave pa Haña Trabou.”] Tambe e ta duna sugerensianan práktiko kon pa mantené un trabou.” Lesa Proverbionan 22:29.

E Toren di Vigilansia 15 di Yüli

“Durante e míles di añanan di historia humano, hende tabatin un gran kantidat di kreensia. Bo ta kere ku ta posibel pa haña sa kua ta bèrdat i kua ta falsu? [ Permití e persona kontestá.] E revista aki ta mustra unda bo por haña e siñansanan berdadero ku ta agradá Dios.” Lesa 2 Timoteo 3:16.

¡Despertad! 22 di Yüli

“Ta tristu pa mira e sufrimentu ku desasternan natural ta kousa. [ Menshoná un ehèmpel ku hende den e teritorio sa di dje.] Bo ta haña ku e desasternan ei ta birando pió? [Permití e persona kontestá.] E revista aki ta analisá e pregunta ei. Tambe e ta duna konsuelo na hende ku a pèrdè nan sernan kerí den desasternan asina.” Lesa Juan 5:28 i 29.