Kiko Nos Por Bisa di e Revistanan

E Toren di Vigilansia 1 di Nov.

“Awe tin hopi opinion kontradiktorio tokante lantamentu di yu. Bo ta kere ku mayornan por haña konseho konfiabel? [Permití e persona kontestá. Kaba lesa Salmo 32:8.] Den e revista aki tin instrukshon práktiko ku Beibel ta duna tokante lantamentu di yu.”

¡Despertad! Nov.

“Bo a yega di puntra bo mes dikon tin asina tantu sufrimentu siendo ku ta eksistí un Dios amoroso, hustu i poderoso? [Permití e persona kontestá.] Wak kiko e teksto di Beibel aki ta bisa tokante e kousa di sufrimentu. [Lesa 1 Juan 5:19.] E revista aki ta splika a base di Beibel kiko Dios ta hasiendo pa kaba ku sufrimentu.”

E Toren di Vigilansia 15 di Nov.

“Mirando kuantu korupshon tin den mundu, algun hende ta puntra, ‘Pakiko ami tin ku lucha asina duru pa hasi loke ta korekto?’ Bo a yega di pensa asina? [Permití e persona kontestá.] Wak algun palabra di konsuelo aki. [Lesa Proverbionan 2:21, 22.] E revista aki ta splika kiko ta e motibu di mas importante pa ta un persona rekto.”

¡Despertad! Nov.

“Tin hende ta pensa ku Dios ta responsabel pa tur loke ta pasa. Ora un tragedia sosodé, nan ta bisa ku Dios mester tabatin un bon motibu pa a kous’é. Kiko abo ta pensa? [Permití e persona kontestá. Kaba lesa Santiago 1:13.] E revista aki ta mustra loke Beibel ta bisa tokante e kousa di sufrimentu i loke Dios ta hasiendo pa kaba kuné.”