Kiko Nos Por Bisa di e Revistanan

E Toren di Vigilansia 1 di Yan.

“Bo ta haña ku por midi e éksito di un persona a base su rikesa? [Permití e persona kontestá, kaba lesa 1 Timoteo 6:9, 10.] Ounke Beibel no ta kondená plaka, e ta indiká sí ku berdadero éksito no ta dependé di rikesa. E revista aki ta splika esei.”

¡Despertad! Yan.

“Bo ta kere ku un dia e situashon lo bira manera ta pará skirbí aki? [Lesa Isaias 33:24, anto permití e persona kontestá.] E revista aki ta splika e logronan sientífiko riba tereno médiko i kon e promesa di Beibel lo kumpli.”

E Toren di Vigilansia 15 di Yan.

“Unda bo ta kere parehanan kasá por akudí pa haña konseho konfiabel? [Permití e persona kontestá.] Tuma nota ta ken a originá matrimonio. [Lesa Génesis 2:22.] Dios a perkurá tambe instrukshon relashoná ku e papel digno di e esposo i di e esposa. E revista aki ta splika esei.”

¡Despertad! Yan.

“Bo a yega di ripará ku hopi hende ku ta yama nan mes kristian no ta sigui e siñansanan di Hesus? [Permití e persona kontestá.] Por ehèmpel, hopi hende no ta sigui su palabranan ku tin skirbí akinan. [Lesa Juan 13:35.] E artíkulo aki ta analisá e diferensia entre e siñansa di Hesus i e punto di bista di hopi hende ku ta yama nan mes kristian.” Presentá e artíkulo ku ta kuminsá na página 18.