Kampaña Spesial pa Anunsiá Memorial!

1. Den kiko publikadónan di Reino lo partisipá entrante 21 di mart 2009, i dikon?

¹ Djaweps 9 di aprel 2009, adoradónan di Yehova Dios rònt mundu ta reuní pa reflekshoná riba su akto di amor di mas grandi na fabor di humanidat. (Rom. 5:​6-⁠8) Nos ta spera ansiosamente ku miónes di hende interesá lo ta presente pa konmemorá e morto di Hesus huntu ku nos. Entrante 21 di mart, nos lo parti un invitashon spesial pa Memorial rònt mundu.

2. Ki puntonan nos mester tene na mente ora nos ta ofresé e invitashon?

² Puntonan pa Tene na Mente: Hasi bon uso di e plachinan, preguntanan i tekstonan di Beibel ku tin den e invitashon. Por ehèmpel, bo por hala atenshon na e portada i bisa: “Mi kier a invitá bo pa konmemorá ku nos e morto di Hesus, ku ta kai riba djaweps 9 di aprel 2009.” Kaba referí na e título di e invitashon i e preguntanan ku ta sigui. No lubidá di bisa e doño di kas ku e tin mag di bini ku su famia i kualke otro hende ku lo e ke bin kuné.

3. Kiko nos lo por hasi si nos a invitá un hende na prinsipio di e kampaña?

³ Si e teritorio di kongregashon ta grandi, e ansianonan por duna instrukshon pa laga e invitashon kaminda no tin hende na kas. Durante wikènt, nos por ofresé e revistanan huntu ku e invitashon. Pone meta pa invitá bo rebishitanan, studiantenan di Beibel, famianan, kompañeronan di skol, koleganan di trabou, bisiñanan i konosínan. Aña pasá, un ruman muhé a invitá 30 miembro di su famia i despues a bolbe papia ku nan tokante e importansia di e okashon. Bintisinku di nan a asistí, i despues kuater di nan a aseptá un estudio di Beibel. Ki un goso e ruman akí tabatin!

4. Kiko nos mester plania for di awor, i dikon?

⁴ Plania for di Awor: Hopi publikadó probablemente lo por traha mas den sirbishi durante mart ku aprel. Si bo tin yu òf studiante di Beibel ku ta progresá bon, awor kisas ta un bon oportunidat pa nan bira publikadó. Awor ta tempu pa plania pa partisipá plenamente den e kampaña pa anunsiá e konmemorashon di e dos ekspreshonnan di mas grandi di amor.​—⁠Juan 3:⁠16; 15:⁠13.