Prediká ku Urgensia!

1. Ta bon pa nos presta atenshon na ki konseho di Pablo?

¹ “Prediká e palabra, okupá bo den dje urgentemente.” (2 Tim. 4:⁠2, NW ) Dikon Pablo su konseho ta asina importante den nos tempu? Ki efekto e palabranan ei por tin riba nos bida i bida di otro hende?

2. Dikon nos ta hasi esfuerso pa buska hende ku no a tende e bon nobo ainda?

² Bida Ta den Wega: Miónes di hende rònt mundu ainda tin ku tende e bon nobo ku por hiba na nan salbashon. (Rom. 10:​13-⁠15; 1 Tim. 4:⁠16) Publikadónan ta logra haña hopi hende sinsero den teritorionan trahá ku frekuensia. Si nos traha e teritorionan ei riba un otro dia òf un otro ora di dia, nos por logra haña diferente hende. Ora nos hasi esfuerso pa buska hende, nos lo tin un konsenshi limpi i nos lo ta liber di kulpa di sanger.​—⁠Echo. 20:⁠26.

3. Kon nos por hasi bon uso di nos tempu ora nos ta den sirbishi?

³ Apesar ku nan a enfrentá oposishon violento, e kristiannan di promé siglo ‘a yena Yerusalèm ku nan siñansa.’ (Echo. 5:⁠28) Nos tambe ta determiná pa “duna testimonio [kabal]”? (Echo. 10:⁠42) Ora nos ta den sirbishi, nos ta hasi bon uso di nos tempu? Si nos tin ku warda riba un publikadó ku ta hasiendo un rebishita, nos ta tuma inisiativa pa papia ku hende ku ta pasa banda di nos?

4. Ora nos ta prediká ku un sentido di urgensia, kon esei ta yuda nos keda vigilá?

⁴ Sea Mas Alerta: Siendo ku e fin di e sistema di kosnan akí ta serka, nos mester keda alerta, i keda vigilá. (1 Tes. 5:​1-⁠6) Ora nos ta papia regularmente tokante nos speransa di Reino, esei ta yuda nos pa no laga e sistema di kosnan akí desanimá nos. (Luk. 21:​34-⁠36) Anto segun ku nos ta tene e dia di Yehova “bon na mente,” esei ta motivá nos pa partisipá mas tantu den e trabou di prediká ku ta salba bida.​—⁠2 Ped. 3:​11, 12, NW.

5. Ora nos tin rèspèt pa bida, kon esei ta motivá nos den sirbishi?

⁵ Ora nos ta prediká ku un sentido di urgensia, nos ta reflehá Yehova su punto di bista di bida: “[E] no kier pa ningun hende bai pèrdí, ma pa tur bin na repentimentu.” (2 Ped. 3:⁠9; Eze. 33:⁠11) Laga nos ta determiná pa papia ku mas tantu hende posibel den nos teritorio, tur esaki pa e alabansa di Yehova!​—⁠Sal. 109:⁠30.