Beibel​—Su Poder den Bo Bida

Beibel a yuda miónes di hende drecha nan bida. Kua ta e prinsipionan bíbliko ku por yuda nos trata ku problemanan di awendia? Sin duda lo bo por haña e kontesta di e pregunta akí miéntras bo ta wak e vidio Beibel—Su Poder den Bo Bida, e di dos di e tres vidionan riba e DVD Beibel—Un Buki di Echo i Profesia. Despues purba kontestá e siguiente preguntanan:

(1) Dikon nos por bisa ku Beibel no ta simplemente un ekselente obra literario? (Heb. 4:⁠12) (2) Si Beibel por yuda mehorá bida di hende, dikon tòg humanidat tin asina tantu problema? (3) Kiko ta e tema prinsipal di Beibel? (4) Kua tekstonan di Beibel e vidio a menshoná ku por yuda parehanan kasá (a) mehorá nan komunikashon ku otro i (b) keda kalmu? (5) Kon e punto di bista kristian di matrimonio ta yuda mehorá bida di famia? (Efe. 5:​28, 29) (6) Kon Yehova a pone un ehèmpel perfekto pa mayornan? (Mar. 1:​9-⁠11) (7) Kon mayornan por hasi e estudio di famia interesante? (8) Fuera di estudio di Beibel, kiko mas e Palabra di Dios ta animá mayornan pa perkurá pa nan yunan? (9) Kon konseho bíbliko por yuda famianan trata ku problema ekonómiko? (10) Kua prinsipionan bíbliko tokante limpiesa, abusu di droga i alkohòl, i strès nos por apliká pa yuda nos redusí problema ku salú? (11) Kua promesanan bíbliko por sostené nos? (Jòb 33:⁠25; Sal. 145:⁠16) (12) Kon e Palabra di Dios a yuda bo mehorá bo bida? (13) Kon bo por usa e vidio akí pa yuda otro hende?