Beibel​—⁠Historia Eksakto, Profesia Konfiabel

Ki evidensia tin ku e historianan di Beibel ta eksakto? Kua profesianan bíbliko ku a kumpli kaba ta duna nos e konfiansa ku e profesianan tokante futuro tambe lo kumpli? Lo konsiderá e preguntanan akí den e vidio Beibel​—⁠Historia Eksakto, Profesia Konfiabel, e di tres di e tres vidionan riba e DVD titulá Beibel​—⁠Un Buki di Echo i Profesia. Despues ku bo a wak e vidio akí, bo por kontestá e siguiente preguntanan?

(1) Ken ta e Fuente di Beibel su informashon konfiabel? (Dan. 2:⁠28) (2) Kon Beibel ta duna un deskripshon eksakto di Egipto di antigwedat, i kon e profesia registrá na Isaias 19:​3 i 4 a kumpli? (3) Kon arkeologia a konfirmá e manera ku Beibel a deskribí e asirionan, nan reinan i e fin di Asiria? (Nah. 3:​1, 7, 13) (4) Kua profesianan relashoná ku Babilonia a proba di ta konfiabel? (Jer. 20:⁠4; 50:⁠38; 51:⁠30) (5) Kua profesia tokante Medo-Persia a bira realidat? (Isa. 44:⁠28) (6) Kon e profesianan di Daniel 7:⁠6 i 8:​5, 8 tokante Gresia a kumpli? (7) Kon e profesia na Daniel 7:⁠7 a haña su kumplimentu ora Roma a bira potensia mundial? (8) Kua ta e Cesarnan ku Beibel ta menshoná? (9) Kiko a pasa ku e kristiannan bou di gobernashon di Nero? (10) Kon e profesianan registrá na Revelashon 13:⁠11 i 17:⁠10 a kumpli? (11) Ken e di ocho rei ta representá? (12) Kua esenanan den e vidio ta mustra ku Eklesiastés 8:⁠9 ta papia bèrdat? (13) Kua profesianan bo ta ansioso pa mira kumpli den futuro? (14) Kon bo por usa e vidio akí pa konvensé otro hende ku Beibel ta di orígen divino?