Algun Sugerensia

Pa Kuminsá Estudio di Beibel Riba e Promé Djasabra di Desèmber

“Bo ta kere ku hende ku ta trata di obedesé Dios ta mas felis? [Permití e persona kontestá.] E artíkulo akí tin algun punto interesante riba e tópiko akí.” Mustra e doño di kas un ehemplar di E Toren di Vigilansia di 1 di desèmber i trata huntu kuné e informashon ku tin bou di un di e suptemanan na página 30 i 31. Lesa por lo ménos un di e tekstonan sitá. Ofres’é e revistanan i traha afsprak pa bolbe pa trata e siguiente pregunta.

E Toren di Vigilansia 1 di Desèmber

“Algun hende ta haña ku Beibel su punto di bista tokante sèks ta antikuá i ta restringí hende innesesariamente. Otro hende no ta mir’é asina i ta haña ku loke Beibel ta bisa ta korekto. Kiko abo ta pensa? [Permití e persona kontestá.] Tuma nota den e teksto akí ta ken a establesé e normanan bíbliko ei. [Lesa 2 Timoteo 3:16.] Den e revista akí bo ta haña kontesta bíbliko riba dies pregunta ku hende sa puntra tokante relashon seksual. Tambe e ta splika ki benefisio nos ta saka ora nos tene nos na normanan di Beibel.”

¡Despertad! Desèmber

Lesa 2 Timoteo 3:16. Anto bisa: “Algun hende ta aseptá ku Beibel ta inspirá di Dios, pero otro hende no ta di akuerdo ku esei. Kiko ta bo opinion riba esaki? [Permití e persona kontestá.] Aunke opinionnan ta varia, tòg hopi hende ta di akuerdo ku niun otro buki tabatin ku pasa den asina tantu kontratempu pa keda eksistí. E revista akí ta splika kuantu esfuerso algun hende a hasi, atraves di siglonan, pa destruí Beibel i oprimí esnan ku kier a les’é. Tambe e ta splika dikon te ainda Beibel ta eksistí.”