E Maravianan di Kreashon Ta Revelá e Gloria di Dios

Hopi hende gusta atmirá e bunitesa di kreashon. Pero poko di nan ta realisá ku loke nan ta mira ta un refleho di e pensamentu- i sintimentunan di nos Gran Kreador. (Rom. 1:20) Den pasado, David a siña konosé Yehova pa medio di Su Palabra inspirá. Pero tambe el a “kontemplá” i hala mas serka Yehova pa medio di e kreashon. (Sal. 8:3, 4) E DVD titulá E Maravianan di Kreashon Ta Revelá e Gloria di Dios por yuda nos tur i tambe nos studiantenan di Beibel hala mas serka Yehova. E ta siña nos mas tokante su kreashon, su kualidatnan i ki klase di Dios nos Gran Kreador ta. Despues di wak e DVD, purba kontestá e siguiente preguntanan.

(1) Kon e dimenshonnan i òrdu ku tin den universo ta laga bo haña mas apresio pa Yehova? (Isa. 40:26) (2) Ora nos analisá e komposishon di awa, kiko nos por siña tokante Dios? (Rev. 14:7) (3) Kon e tamaño di tera i su distansia for di solo ta mustra ku Yehova tin sabiduria? (4) Kiko lo pasa si luna no tabata eksistí? (Sal. 89:37) (5) Kiko Dios a duna nos pa nos por disfrutá di bida? (6) Kiko ta DNA i kiko ta su funshon? (Sal. 139:16) (7) Kiko ta hasi hende diferente for di tur otro kreashon di Yehova riba tera? (Gén. 1:26) (8) Kiko bo tin gana di hasi den e mundu nobo?

Riba e Parti Adishonal: (9) Kiko ta hasi posibel ku nos por mira koló? (10) Kon awa por vense forsa di gravedat pa yega den tòp di palu? (11) Ki funshon awa tin den nos kurpa? (12) Duna algun ehèmpel ku ta mustra e kooperashon ku tin entre kosnan bibu. (13) Kon kada kriatura por sa kon pa sera kombenio ku otro? (14) Kiko hende ta yama e “ángulo di oro” i kon e ta bisto den kreashon?

Opservá Yehova Su Kreashon Bon: Hesus ta animá nos pa “opservá e paranan di shelu bon” i “siña un lès for di e manera ku e flornan di mondi ta krese.” (Mat. 6:26, 28) Si nos sigui su konseho, nos fe lo bira mas fuerte, nos lo siña konfia den Yehova i nos lo haña mas apresio pa su sabiduria, su poder di salba i su amor. En bes di laga e obranan di e mundu akí distraí nos, laga nos saka tempu i hasi esfuerso pa opservá e maravianan di Yehova su kreashon i meditá riba loke nan ta bisa nos tokante nos Dios.—Sal. 19:1.