Testigunan di Yehova—Un Historia di Fe Bibu, Parti 1: Nan Ta Sali for di den Skuridat

Beibel ta asosiá lus ku bèrdat, miéntras ku skuridat, e ta asosiá ku mentira. (Sal. 43:3; Isa. 5:20) Satanas a introdusí skuridat na mundu ora el a gaña Eva, i ku tempu el a hinka mundu kompleto den skuridat. (Rev. 12:9) E DVD Testigunan di Yehova—Un Historia di Fe Bibu, Parti 1: Nan Ta Sali for di den Skuridat ta konta den forma kronológiko kon lus spiritual a kuminsá sali for di skuridat. (Isa. 60:1, 2) Despues di a wak e DVD, purba kontestá e siguiente preguntanan.

(1) Kon un skuridat spiritual profundo a desaroyá despues di morto di e apòstelnan? (2) Kuminsando for di siglo 12, ki desaroyonan a yuda hende mira ku Iglesia no tabata siña e bèrdat? (3) Ken Henry Grew i George Storrs tabata? (4) Ki susesonan den bida di Charles Russell tabatin un efekto profundo riba dje? (5) Ruman Russell, huntu ku su tata i algun konosí a forma un grupo pa studia Beibel. Kon nan a hasié, i na ki konklushonnan bíbliko nan a yega? (6) Dikon e grupo di estudio di Beibel akí a djòin e grupo di Nelson Barbour, pero kiko a pone Ruman Russell separá for di e grupo ei? (7) Kiko a sosodé na yüli di 1879 ku a marka komienso di un era nobo di lus spiritual? (8) Despues di esaki, kiko e kresiente kantidat di Studiantenan di Beibel a hasi pa plama e bon notisia? (9) Kiko e Studiantenan di Beibel a spera for di hopi aña di antemano ku lo a bai sosodé na 1914? (10) Despues ku Ruman Russell a muri, ki pruebanan e Studiantenan di Beibel mester a enfrentá? (11) Kiko e Studiantenan di Beibel a hasi despues ku Ruman Rutherford i su sosionan a sali for di prizòn? (12) Kon e DVD akí a oumentá bo apresio pa Yehova su organisashon? (13) Kon e DVD akí a fortalesé bo determinashon pa sigui prediká ku zelo apesar di opstákulo? (14) Kon nos por usa e DVD akí pa yuda nos famia, studiantenan di Beibel i otro personanan?

E promé Studiantenan di Beibel a laga un bunita herensia spiritual pa nos. Aunke e mundu ku nan a biba aden tabata den skuridat spiritual, nan, ku zelo i kurashi, a sirbi komo kargadó di lus. Laga nos imitá nan ehèmpel i “sigui kana komo yunan di lus.”—Efe. 5:8.