Algun Sugerensia

Pa Kuminsá Estudio di Beibel Riba e Promé Djasabra di Mei

“Un kos ku nos tur tin en komun ta ku nos tur ta kometé eror. Bo a yega di puntra bo mes si Dios ta pordoná piká grave?” [Permití e persona kontestá.] Mustra e persona e artíkulo na página 15 di E Toren di Vigilansia di 1 di mei, i trata e informashon bou di e promé pregunta i lesa maske ta un di e tekstonan kuné. Ofres’é e revista i traha un afsprak pa trata e siguiente pregunta.

E Toren di Vigilansia 1 di Mei

“Nos tin gana di sa kiko bo ta pensa di e palabranan akí. [Lesa 1 Huan 4:8.] Hopi hende ta di akuerdo ku e teksto akí, pero otronan ta haña ku Dios ta kruel pasobra ta é ta kousa òf por lo ménos permití desaster natural. Kiko ta bo opinion? [Permití e persona kontestá.] E revista akí lo trese algun rasonamentu lógiko ku ta mustra dikon nos no por bisa ku Dios ta kruel.”

¡Despertad! Mei

“Nos ta bishitando bo awe pa papia di un problema alarmante: kriminalidat. Algun hende ta pensa ku pa kontrolá kriminalidat mester tin mas polis riba kaya. Kiko abo ta pensa? [Permití e persona kontestá.] Bo tabata sa ku Beibel ta primintí ku lo bini un fin na kriminalidat? [Lesa Salmo 37:10, 11.] E revista akí lo trata e promesa ei i duna algun sugerensia práktiko ku por yuda nos protehá nos mes di kriminalidat.”