Algun Sugerensia

Pa Kuminsá Estudio di Beibel Riba e Promé Djasabra di Ougùstùs

“Kasi tur hende ta resa na Dios na un dado momento den bida. Asta esnan ku no ta kere den Dios ta resa ora nan ta den problema. Bo ta kere ku Dios ta skucha tur orashon?” Permití e persona kontestá. Despues, mustr’é e artíkulo parti patras di E Toren di Vigilansia di 1 di ougùstùs, i trata e informashon bou di e promé pregunta i lesa maske ta un di e tekstonan kuné. Ofres’é e revista i traha un afsprak pa trata e siguiente pregunta.

Nota: Tene un demostrashon di e sugerensia akí na e reunion pa sirbishi di vèlt di 3 di ougùstùs.

E Toren di Vigilansia 1 di Ougùstùs

“Nos a ripará ku hopi hende ta preokupá pa e echo ku pornografia ta plamá tur kaminda. Di otro banda, hopi ta esnan ku no ta mira nada malu den pornografia. Kiko abo ta pensa? [Permití e persona kontestá.] Hesus a bisa ku nos por determiná si algu ta bon òf malu a base di e fruta ku e ta produsí. [Lesa Mateo 7:17.] E revista akí ta analisá e konsekuensianan di pornografia. Ademas, e tin algun sugerensia práktiko pa esnan ku ke stòp ku pornografia.”

¡Despertad! Ougùstùs

“Mayoria di nos ke biba mas tantu posibel. Abo ta kere ku un dia siensia lo hasi posibel ku hende por biba pa semper? [Permití e persona kontestá.] Tuma nota di e promesa interesante akí. [Lesa 1 Korintionan 15:26.] Pero kon Dios lo logra esaki? Pa medio di siensia òf via di un otro manera? I dikon nos ta bira bieu i muri? Den e revista akí bo por haña e kontesta ku Beibel ta duna riba e preguntanan akí.”