Algun Sugerensia

Pa Kuminsá Estudio di Beibel Riba e Promé Djasabra di Sèptèmber

“Bon dia. Nos bishita awe lo ta kòrtiku. Nos ke djis mustra bo un fuente di guia konfiabel pa yuda parehanan kasá haña éksito den nan matrimonio. Segun abo, kiko ta e kos di mas grandi ku por stroba felisidat den matrimonio?” [Permití e persona kontestá.] Mustr’é e parti patras di E Toren di Vigilansia di 1 di sèptèmber, i trata e informashon bou di e promé pregunta i lesa maske ta un di e tekstonan kuné. Ofresé e revista, i traha un afsprak pa trata e siguiente pregunta.

E Toren di Vigilansia 1 di Sèptèmber

“Nos ta bishitando bo pasobra hopi hende den nos komunidat ta puntra nan mes dikon Dios ta permití tantu sufrimentu. Abo a yega di puntra bo mes esei? [Permití e persona kontestá.] Ta interesante pa sa ku Beibel ta primintí ku lo tin un tempu ora ku lo no tin tristesa ni doló mas. [Lesa Revelashon 21:4.] E revista akí ta trata sinku motibu pakiko tin asina tantu sufrimentu. E ta mustra tambe loke Beibel ta bisa tokante kon Dios lo kaba ku sufrimentu.”

¡Despertad! Sèptèmber

“Nos a bini pa kompartí informashon tokante un selebrashon popular ku ta aserkando—Halloween. Algun hende a disidí pa no selebr’é, pasobra nan ta tene kuenta ku e siguiente spièrtamentu ku Beibel ta duna. [Lesa Levítiko 19:31.] Otronan no ta kere den spiritunan sobrenatural i ta haña ku Halloween ta djis un dibertishon inofensivo. Kiko abo mes ta pensa di Halloween? [Permití e persona kontestá.] E revista akí ta revelá e orígen pagano di Halloween.”