Algun Sugerensia

Pa Kuminsá Estudio di Beibel Riba e Promé Djasabra di Yanüari

“Mayoria di hende tin nan mes punto di bista tokante Dios. Algun ta pensa ku Dios ta un forsa misterioso. Otronan ta mir’é komo un Tata selestial amoroso. Kon abo ta pensa ku Dios ta?” Permití e persona kontestá. Mustr’é e parti patras di E Toren di Vigilansia di 1 di yanüari i trata e informashon di e promé pregunta. Lesa por lo ménos ún di e tekstonan kuné. Ofres’é e revista i traha un afsprak pa trata e siguiente pregunta.

E Toren di Vigilansia 1 di Yanüari

“Nos kier a papia un ratu asina tokante algu ku ta dal nos tur: morto di un ser kerí. Abo tambe ta haña ku pèrdida di un amigu òf famia stimá ta e kos di mas duru pa trata kuné? [Permití e persona kontestá.] Hopi hende a haña konsuelo den e teksto di Beibel akí. [Lesa Isaías 25:8.] E revista akí lo trata e bunita speransa ku Beibel ta duna pa kaba ku morto i trese nos sernan kerí bèk na bida.”

¡Despertad! Yanüari

“Abo ta di akuerdo ku awendia famia ta enfrentá hopi preshon? [Permití e persona kontestá.] E proverbio akí den Beibel ta bisa nos kiko famianan tin ku hasi pa forma i fortifiká nan hogar. [Lesa Proverbionan 24:3.] Hopi hende ta haña ku Beibel ta un fuente konfiabel di sabiduria. E revista akí ta analisá un website basá riba Beibel ku tin algun informashon grátis pa yuda famianan.”