Algun Sugerensia

Pa Kuminsá Estudio di Beibel Riba e Promé Djasabra di Sèptèmber

“Hopi hende ta kere den angel. Abo tambe? [Permití e persona kontestá.] Angelnan tin hopi poder. Abo ta kere ku nan por yuda nos? Beibel ta bisa nos kon nan ta yuda hende awe.” Mustr’é e artíkulo parti patras di E Toren di Vigilansia di 1 di sèptèmber, trata e promé pregunta i lesa por lo ménos un di e tekstonan. Ofres’é e revista i traha un afsprak pa trata e siguiente pregunta.

E Toren di Vigilansia 1 di Sèptèmber

“Bo ta kere ku por drecha e daño ku hende ta hasi na nos planeta? [Permití e persona kontestá.] Aunke hende no por drecha e daño ku nan a kousa, Beibel ta bisa ku Dios sí por i ke hasi esaki. E ta garantisá nos esaki na Salmo 65:9. [Les’é.] E edishon akí di E Toren di Vigilansia ta splika kon Dios lo drecha e tera i kon nos por disfrutá di e bendishon akí den futuro. Lo bo ke les’é?”

¡Despertad! Sèptèmber

“Hopi hende ta sinti ku nan doño di trabou ta preshoná nan pa traha mas duru i nan no ta mira un salida pa esei. Ekspertonan ta bisa ku ora un hende tin demasiado trabou, e ta kore rísiko di burn out i esei por kousa daño tantu físiko komo emoshonal. Kiko abo ta kere por yuda un hende hiba un bida balansá? [Permití e persona kontestá.] At’akí un teksto di Beibel ku ta pone nos pensa. [Lesa Eklesiástes 4:6.] E revista akí ta splika kuater manera práktiko pa reahustá nos prioridatnan i asina dil ku strès laboral.”