Algun Sugerensia

Pa Kuminsá Estudio di Beibel Riba e Promé Djasabra di Novèmber

“Wak e pregunta interesante akí. [Lesa e promé pregunta riba e último página di E Toren di Vigilansia di 1 di novèmber.] Kiko bo ta pensa? [Lesa e dos paragrafnan bou di e pregunta ei i lesa por lo ménos un di e tekstonan.] Lo mi tin gana di pasa atrobe pa nos analisá dikon Hesus a resusitá e hendenan ei i kiko esei tin di haber ku nos.”

E Toren di Vigilansia 1 di Novèmber

“Bo a yega di puntra bo mes dikon tin asina tantu kos malu ta pasa rònt mundu? [Permití e persona kontestá.] Lo mi ke mustra bo kiko Beibel ta kontestá. [Lesa Revelashon 12:9.] Sinembargo, versíkulo 12 ta duna nos speransa. [Lesa Revelashon 12:12.] Nos ta mira ku pronto e influensia malbado di Satanas lo disparsé. E artíkulo akí: ‘Nos Mester Tin Miedu di Diabel?’ ta mustra kon nos por protehá nos mes for di su influensia aworakí i kiko lo bai pasa pronto kuné den futuro serkano. Esaki ta bo ehemplar.”

¡Despertad! Novèmber

“Tur hende ke tin un bida felis, pero poko ta esnan ku tin un bida asina. Kiko bo ta kere ta duna hende berdadero felisidat? [Permití e persona kontestá.] Mi a ripará ku Beibel ta duna gran yudansa den esei. Tuma nota di e prinsipio akí. [Lesa Hebreonan 13:5.] E revista akí ta resaltá kuater konseho ku Beibel ta duna pa haña berdadero felisidat.”