“E Palabranan Akí . . . Mester Ta Riba Bo Kurason”

Nos por kompará mayornan ku wardadó di karné. Meskos ku wardadó ta kuida nan karné, mayornan ta kuida nan yunan pa nan no dual i sufri daño. (Pro. 27:23) Kon mayornan por kumpli ku e tarea akí? Ta masha importante pa tur dia nan pasa tempu ku nan yunan pa haña sa kiko ta biba den nan mente i kurason. (Pro. 20:5) Tambe, mayornan mester fortalesé nan yunan su fe pa asina nan por keda firme bou di prueba. (1 Kor. 3:10-15) E vidio “E Palabranan Akí . . . Mester Ta Riba Bo Kurason,” na spañó, ta enfatisá e importansia di tene Adorashon Komo Famia tur siman. Wak e vidio ku bo famia i huntu analisá e siguiente preguntanan.

(1) Dikon bida di famia Román no tabata drei rònt di kosnan spiritual? (2) Dikon e promé biaha ku Ruman Tomas a tene nan Adorashon Komo Famia kosnan no a bai bon? (3) Segun Beibel, kon ta e mihó manera pa lanta yu? (Deu. 6:6, 7) (4) Kiko bo por hasi pa boso por tin bon komunikashon den famia? (5) Ki sakrifisionan mayornan tin ku hasi na bienestar di nan yunan? (6) Kon famia Vargas a yuda famia Román? (Pro. 27:17) (7) Kiko un tata mester hasi for di adelantá pa nan Adorashon Komo Famia bai bon? (8) Kiko Ruman Tomas a hasi pa mehorá nan Adorashon Komo Famia? (9) Dikon Adorashon Komo Famia mester ta regular? (Efe. 6:4) (10) Menshoná algun sugerensia pa Adorashon Komo Famia. (11) Dikon tabata importante ku Ruman Tomas a papia firme pero na un manera kalmu ku su yu Marcos enkuanto e importansia di hasi loke ta korekto? (Yer. 17:9) (12) Kon e mayornan di Rebeka a yud’é tuma e desishon korekto enkuanto Justin? (Mark 12:30; 2 Tim. 2:22) (13) Dikon nos por bisa ku e echo ku Ruman Tomas i su kasá a simplifiká nan bida ta un muestra di fe? (Mat. 6:33) (14) Kon e vidio akí ta yuda kabesnan di famia mira e nesesidat di perkurá pa nan famia den sentido spiritual? (1 Tim. 5:8) (15) Kiko kabesnan di famia mester ta determiná pa hasi?

NOTA PA KABESNAN DI FAMIA: Ora ku a presentá e drama moderno akí na e kongreso regional di 2011, bo a ripará ku bo mester a mehorá bo Adorashon Komo Famia? Awor, despues di a wak e vidio, tin áreanan den kua abo lo tin ku mehorá? Pidi Yehova yuda bo hasi e kambionan nesesario pa salbashon di bo famia.—Efe. 5:15-17.