Kon pa Usa Grabashon Oudio
1. Aparte di publikashonnan skirbí, ki otro provishon práktiko nos tin?
1 Hopi hende ta gusta usa jw.org pa lesa e palabranan agradabel i korekto di e bèrdat. (Ekl. 12:10) Pero, bo a yega di usa e grabashonnan di oudio na otro idioma? E grabashonnan akí ta hasi posibel pa bo skucha hopi informashon ku tin riba nos website. Kon e grabashonnan oudio por yuda nos?
2. Kon nos por usa e grabashonnan oudio pa nos estudio personal òf Adorashon Komo Famia?
2 Den Nos Estudio Personal òf Adorashon Komo Famia: Un bon manera pa nos usa nos tempu ora nos ta di biahe òf ora nos ta hasi nos keasernan di tur dia ta di skucha grabashon oudio di Beibel, revista òf otro publikashon. (Efe. 5:15, 16) Pa varia nos Adorashon Komo Famia nos por skucha grabashon di algun informashon segun ku nos ta sigui e lesamentu den nos publikashon. Si bo ke mehorá bo lesamentu òf ke siña un otro idioma lo ta bon pa skucha e grabashonnan oudio durante bo estudio personal.
3. Ken den nos teritorio lo disfrutá di e grabashonnan oudio?
3 Den Sirbishi: Hende den nos teritorio ku ta sinti ku nan no tin tempu pa lesa kisas lo ke skucha un grabashon oudio. Òf kisas nos por topa hende ku ta papia un otro idioma i ku lo reakshoná bon si nan skucha e mensahe di Reino na e ‘idioma di nan pais.’ (Echo. 2:6-8) Tin pais kaminda skucha ta un parti importante di nan kultura. Por ehèmpel, den e kultura hmong hende tin e tradishon di pasa nan historia di un generashon pa otro verbalmente i nan ta bon den keda kòrda informashon ku nan a skucha. Den hopi kultura afrikano nan ta gusta siña skuchando historia.
4. Ki pregunta nos por hasi nos mes tokante kon pa yuda hende den nos teritorio?
4 Tin hende den bo teritorio ku lo keda kontentu si bo lag’é skucha un grabashon oudio den su idioma? Tin un persona ku lo por saka probecho di un publikashon oudio si bo mand’é p’e via e-mail? Nos por download un publikashon oudio, grab’é riba un CD i hib’é huntu ku e publikashon imprimí pa un persona ku a mustra interes? Si nos duna un persona ku mustra interes un buki kompleto, revista, foyeto òf tratado den formato elektróniko, nos por marka esei riba nos rapòrt di sirbishi. E grabashonnan oudio ta diseñá pa nos por usa nan den nos estudio personal i tambe pa planta simia di bèrdat di Reino.—1 Kor. 3:6.